(ព្រុចសែល)៖ អ្នកសារព័ត៌មានតួកគីម្នាក់បាននិយាយថានយោបាយអន្តរជាតិ និងសន្តិសុខរបស់សហភាព អឺរ៉ុបគឺនៅស្ទើរខ្លាំងណាស់បើធៀបទៅនឹង សហរដ្ឋអាមេរិក និងប្រទេសរុស្ស៊ីស្រប​ពេល​ទំនាក់​ទំនង​រវា​អឺរូបនិងតួកគី រឹតតែឃ្លាតឆ្ងាយពីគ្នាលើសពេលណាៗទាំងអស់ ដោយសារតែការជជែកដេញដោល​លើការចូលជាសមាជិកសហភាពអឺរ៉ុបរបស់ទីក្រុងអង់ការ៉ា ក៏ដូចជាការរិះគន់​លើវិធានការបង្រ្កាប​លើអ្នកធ្វើរដ្ឋប្រហារទម្លាក់រដ្ឋាភិបាលលោក Erdogan។ នេះបើតាមការចេញផ្សាយរបស់សារព័ត៌មាន Sputnik នៅរសៀលថ្ងៃព្រហស្បតិ៍ ទី១៧ ខែវិច្ឆិកា ឆ្នាំ២០១៦។

យោងតាមអ្នកសារព័ត៌មានជើងចាស់តួកគី លោក Gulderen Sonumut បណ្ដាប្រទេសជាច្រើននៅអឺរ៉ុប​ភាគច្រើនរំពឹងថាលោកស្រី គ្លីនតុន នឹងក្លាយជាប្រធានាធិបតីអាមេរិក ប៉ុន្តែផ្ទុយទៅ​វិញ​ជ័យជម្នះ​របស់​លោក ត្រាំ បានធ្វើឱ្យពួកគេមានការព្រួយបារម្ភរហូតដល់រៀបចំកិច្ចប្រជុំថ្នាក់រដ្ឋមន្ត្រីការបរទេស។  លោក Gulderen បានឱ្យដឹងទៀតថា «បច្ចុប្បន្នសហភាពអឺរ៉ុប​ហាក់ដូចជាមាន​ភាព​ទន់ខ្សោយទំាងនយោបាយ​និងសេដ្ឋកិច្ច​ រួមទំាងផ្នែកសន្តិសុខបើធៀបទៅនឹងសហរដ្ឋអាមេរិក និងរុស្ស៊ី ដែលកំពុងប្រើឥទ្ធិពល​របស់​ខ្លួនដើរតួជាអ្នកការពារសន្តិសុខ​នៅលើឆាក​អន្តរ​ជាតិ។ ចំណែកឯសហភាពអឺរ៉ុបវិញមិនអាចធ្វើដូចនេះបានទេ ដោយថែមទំាងគ្មានឆន្ទៈនយោបាយគ្រប់គ្រាន់ ឬធនធានចាំបាច់ដើម្បីធ្វើដូចអាមេរិក និងរុស្ស៊ី»

សូមជំរាបថាបើតាមលោក Gulderen Sonumut បើទោះជាទំនាក់ទំនងរវាងតួកគី និងសហភាពអឺរ៉ុបមានភាពតានតឹងយ៉ាងណាក៏ដោយក៏ភាគីទំាងពីរ​ទំនងជាមិនអាចផ្ដាច់​សម្ព័ន្ធភាពទាំងស្រុង​បានដែរ ព្រោះតួកគីនៅតែជាដៃគូដ៏សំខាន់សម្រាប់​សហភាពអឺរ៉ុបក្នុងការផ្លាស់ប្ដូរព័ត៌មានសម្ងាត់ វិស័យសន្តិសុខ និងជនភៀសខ្លួន៕