(អាមេរិក)៖ ​ក្រុមហ៊ុន Samsung បានប្រកាសថា ខ្លួនបានព្រមព្រៀងទិញយក Harman International Industries ​ដែលជាក្រុមហ៊ុនផ្នែកបចេ្ចកវិទ្យា Audio Solution ​ក្នុងតម្លៃ ៨ពាន់លានដុល្លារអាមេរិក ក្នុងគោលបំណងអភិវឌ្ឍប្រព័ន្ធសំឡេង សម្រាប់រថយន្ដ និង រថយន្ដបំពាក់ដោយប្រព័ន្ធអិនធឺណេត។ នេះបើតាមការចេញផ្សាយ ដោយសារព័ត៌មាន Bloomberg។

ក្រុមហ៊ុន Samsung​ បានឱ្យដឹងថា ​តម្លៃហ៊ុន Harman​ មានចាប់ពី១១២ដុល្លារ ជាមួយនឹងប្រាក់ធានា២៨% ពីលើតម្លៃហ៊ុនរបស់ Harman ​៨៧.៦៥ ដុល្លារ នៅពេលផ្សារហ៊ុន ក្នុងទីក្រុងញូយ៉កបិទទ្វារជួញដូរនៅថ្ងៃសុក្រ។
 
គួរបញ្ជាក់ថា ការទិញយកក្រុមហ៊ុន Harman នឹងជួយឱ្យក្រុមហ៊ុន Samsung​ ពង្រីកវត្តមាននៅក្នុងទីផ្សារ រថយន្ដអេឡិចត្រូនិច និងបច្ចេកវិទ្យាអិនធឺណែត៕