(បាងកក)៖ បុត្រាស្នងរាជ្យរបស់ប្រទេសថៃ ព្រះអង្គម្ចាស់ មហា វ៉ាចរ៉ាឡុងកន បានយាងត្រឡប់ពីបរទេស​មកកាន់ទីក្រុងបាងកកវិញហើយនៅថ្ងៃសុក្រនេះ ដែលនៅសល់តែប្រមាណ​ជាងពីរសប្តាហ៍​ទៀតប៉ុណ្ណោះ នឹងដល់​ពេលឡើងគ្រងរាជ្យសម្បត្តិជាមហាក្សត្រថ្មី នៃព្រះរាជាណាចក្រថៃហើយនោះ។ នេះបើតាមសម្តីរបស់​មន្រ្តីរដ្ឋាភិបាលថៃដែលបានដកស្រង់ដោយ ទីភ្នាក់ងារព័ត៌មាន Reuters នៅរសៀល​ថ្ងៃសុក្រ ទី១១ ខែវិច្ឆិកា ឆ្នាំ២០១៦។

មន្រ្តីយោធាជាន់ខ្ពស់ថៃមួយរូបបានឲ្យដឹងក្នុងលក្ខខណ្ឌមិនបញ្ចេញអត្តស «ព្រះអង្គម្ចាស់ មហា វ៉ាចរ៉ាឡុងកន បានយាងត្រឡប់ពីប្រទេស អាល្លឺម៉ង់មកកាន់ ប្រទេសថៃវិញហើយ ហើយទ្រង់នឹងយាងទៅ​ចូលរួមក្នុងព្រឹត្តិការណ៍មួយនៅឯ ទីបញ្ជាការកងអង្គរក្ស ព្រះមហាក្សត្រនាល្ងាចថ្ងៃសុក្រនេះ។ ទន្ទឹមគ្នានេះដែរ ការយាង ត្រឡប់មកកាន់មាតុប្រទេសវិញនេះ នឹងជួយបន្ធូរបន្ថយនូវរាល់ក្តីព្រួយបារម្ភនានា អំពីការ​ឡើងសោយរាជ្យសម្បត្តិពីសំណាក់ពលរដ្ឋថៃគ្រប់រូប»ញ្ញាណថា។

គួរបញ្ជាក់ដែរប្រទេសថៃពុំមានព្រះរាជាអស់រយៈពេលមួយខែមកហើយ ចាប់តាំងពីពេលដែល​ អតីតព្រះមហាក្សត្រ ព្រះបាទ ភូមិបុល អាប់ឌុលយ៉ាដេត បានសោយ ទិវង្គតកាលពីថ្ងៃទី១៣ ខែតុលាទៅ ហើយព្រះរាជ្យកិច្ចទាំងឡាយបាន និងកំពុងស្ថិតក្រោមការគ្រប់គ្រងជាបណ្តោះអាសន្នរបស់មហាឧបរាជ ព្រេម ទិនស៊ូឡាណុន ដែលជាប្រធានក្រុមប្រឹក្សាជំនិតនៃព្រះមហាក្សត្រសិន នៅមុនពេលនៃការឡើង​គ្រងរាជ្យសម្បត្តិរបស់ព្រះរាជទាហាទនៅថ្ងៃទី០១ ខែធ្នូ ខាងមុខនេះបានឈានចូលមកដល់៕