(ហ្សការតា)៖ អាជ្ញាធរឥណ្ឌូណេស៊ីបានឱ្យដឹងថា​ ទូកដឹកជនចំណាកស្រុកឥណ្ឌូណេស៊ី៩៣នាក់ ដែលបាន  ធ្វើដំណើរត្រឡប់ពីខេត្ត Johor Bahru​ ប្រទេសម៉ាឡេស៊ីបានក្រឡាប់លិច​នៅតំបន់ដែន​សមុទ្រ Nongsa នៃខេត្ត Batam នៅព្រឹកថ្ងៃពុធនេះ បណ្ដាលឱ្យមនុស្សយ៉ាងហោចណាស់ ២១នាក់បាត់បង់ជីវិត ខណៈ  ៣៨នាក់នៅរស់រាន្តមានជីវិត និង៣៤នាក់ផ្សេងទៀត​នៅតែបន្ត​បាត់ខ្លួននៅឡើយ។ នេះបើយោងតាមចុះ ផ្សាយនៅមុននេះបន្តិចដោយសារព័ត៌មាន The Jakarta Post ​នារសៀលថ្ងៃពុធ ទី០២ ខែតុលា ឆ្នាំ២០១៦។

ជុំវិញគ្រោះថ្នាក់នេះដែរពលករម្នាក់អាយុ ៥១ឆ្នាំ នៅក្នុងចំណោមពលកររួចផុតពីស្លាប់បានប្រាប់ The Jakarta Post ថាទូករបស់ពួកគេបានធ្វើដំណើរចាកចេញពីទីក្រុង Selingi នៃខេត្ត Johor Bahru នៅម៉ោង ប្រមាណជា ៣៖០០ នាទីទៀបភ្លឺឆ្ពោះទៅកាន់ខេត្ត Batam ប្រទេសឥណ្ឌូណេស៊ី ប៉ុន្តែនៅតាមផ្លូវធ្វើដំណើរ ស្រាប់តែមានរលកបាក់បោកយ៉ាងខ្លំាង ជាហេតុធ្វើឱ្យទូក​ក្រឡាប់​លិចតែម្ដង។

ទន្ទឹមគ្នានោះដែរប៉ូលិសឥណ្ឌូណេស៊ីកំពុងបើកការស៊ើបអង្កេត និងស្វែងរកអ្នកទទួលខុសត្រូវចំពោះគ្រោះ ថ្នាក់លិចទូកនេះដោយសន្និដានជាជំហានដំបូងថា ទូកដែលក្រឡាប់លិចនេះ​អាចបណ្ដា​មកពីការដឹកលើស ចំណុះនិងរៀបចំការធ្វើដំណើរដោយខុសច្បាប់ ស្របពេលក្រុមអ្នកជួយសង្រ្គោះត្រូវបានដាក់ពងា្រយដើម្បី តាមរកអ្នកបាត់ខ្លួន និងអ្នកដែលអាចនៅរស់រានមានជីវិត៕