(តូក្យូ)៖ កាលពីថ្ងៃព្រហស្បតិ៍សប្តាហ៍នេះ ជប៉ុនបានបង្ហាញផែនការជម្លៀសអ្នកស្រុក និងអ្នកទេសចរក្នុងចំនួនប្រហែល ១២០ ០០០នាក់ចេញពីកោះភាគខាងត្បូងរបស់ខ្លួនក្បែរកោះតៃវ៉ាន់ ដោយប្រើពេល ៦ថ្ងៃក្នុងករណីមានអាសន្នកើតឡើង។ នេះបើយោងតាមការចេញផ្សាយដោយទីភ្នាក់ងារសារព័ត៌មាន AFP នៅថ្ងៃសុក្រ ទី២៨ ខែមីនា ឆ្នាំ ២០២៥។
មន្រ្តីការិយាល័យដោះស្រាយវិបត្តិរបស់រដ្ឋាភិបាលជប៉ុន បាននិយាយថា ផែនការនេះនឹងត្រូវដាក់ចេញនៅពេលដែល ស្ថានភាពសន្តិសុខជុំវិញប្រទេសតឹងតែង និងនៅក្នុងពេលមានអាសន្ន។ អ្វីដែលជាភាពអាសន្នមិនត្រូវបានបញ្ជាក់ទេ ប៉ុន្តែវាអាចជាការជម្លៀសមនុស្សប្រហែល ១២០ ០០០នាក់នៅកោះចំនួន ៥របស់ជប៉ុន ដែលនៅស្ថិតនៅក្បែរកោះតៃវ៉ាន់។
ក្រោមផែនការនេះ នាវាយោធា ស្រឡាងឯកជន យន្តហោះចម្បាំង នឹងត្រូវបានចល័តដើម្បីជួយដឹកជញ្ជូនមនុស្ស ចេញពីកោះតូចៗ រួមទាំងទៅកាន់កោះ Kyushu នៅចុងភាគនិរតីនៃប្រជុំកោះជប៉ុន។ ចំនួនមនុស្សប្រហែល ១២០ ០០០នាក់នេះ គឺច្រើនជាងទ្វេដងនៃសមត្ថភាពដឹកជញ្ជូនធម្មតា ក្នុងរយៈពេល ៦ថ្ងៃ។
គួរបញ្ជាក់ថា ក្នុងរយៈពេលប៉ុន្មានឆ្នាំចុងក្រោយនេះ ចិនបានបង្កើនសកម្មភាពយោធានៅជុំវិញកោះតៃវ៉ាន់ ហើយមិនបានច្រានចោលការប្រើកម្លាំងដើម្បីបង្រួបង្រួមជាមួយតៃវ៉ាន់នោះទេ៕
