(ម៉ូស្គូ)៖ ក្រសួងការពារជាតិរុស្ស៊ីបានប្រកាសកាលពីថ្ងៃពុធថា រុស្ស៊ីនិងអ៊ុយក្រែនបានធ្វើការផ្លាស់ប្ដូរអ្នកទោសសង្គ្រាមចំនួន ៣៧២ នាក់។ នេះបើយោងតាមការចេញផ្សាយដោយ ទីភ្នាក់ងារសារព័ត៌មាន AFP។
ការដោះដូរនេះកើតឡើងខណៈដែលភាគីទាំងពីរចោទប្រកាន់គ្នាទៅវិញទៅមកពីបទបំពានលើបទឈប់បាញ់ ដែលស្នើឡើងដោយរដ្ឋបាលប្រធានាធិបតីអាមេរិក ដូណាល់ ត្រាំ។
ក្រសួងការពារជាតិរុស្ស៊ីបានបញ្ជាក់ថា ទីក្រុងម៉ូស្គូបានដោះលែងអ្នកទោសសង្គ្រាមអ៊ុយក្រែនចំនួន ១៧៥ នាក់ រួមទាំងអ្នករងរបួសធ្ងន់ធ្ងរចំនួន ២២ នាក់ដែលត្រូវការជំនួយផ្នែកវេជ្ជសាស្ត្រជាបន្ទាន់។ ជាថ្នូរមកវិញ រុស្ស៊ីបានទទួលទាហានរបស់ខ្លួនចំនួន ១៧៥ នាក់ត្រឡប់មកវិញ៕
