(កៀវ)៖ ប្រធានចារកម្មយោធាអ៊ុយក្រែន លោក Kyrylo Budanov បានថ្លែងក្នុងសន្និសីទសារព័ត៌មាននៅថ្ងៃអាទិត្យ ថា កូរ៉េខាងជើងកំពុងផ្គត់ផ្គង់ ៥០% នៃតម្រូវការគ្រាប់រំសេវរបស់រុស្ស៊ី នៅជួរមុខក្នុងសង្គ្រាមប្រឆាំងនឹងអ៊ុយក្រែន។ នេះបើយោងតាមការចុះផ្សាយដោយ ទីភ្នាក់ងារសារព័ត៌មាន Reuters។
លោក Budanov បានបន្ថែមថា ទីក្រុងព្យុងយ៉ាង ក៏បានចាប់ផ្តើមផ្គត់ផ្គង់ទ្រង់ទ្រាយធំ នូវប្រព័ន្ធកាំភ្លើងធំស្វ័យចល័ត ដែលមានកាណុងកាំភ្លើងទំហំ ១៧០មីលីម៉ែត្រ និងប្រព័ន្ធបាញ់គ្រាប់រ៉ុក្កែតទំហំ ២៤០ មីលីម៉ែត្រទៅកាន់ប្រទេសរុស្ស៊ីផងដែរ៕
