(តេហេរ៉ង់)៖ ប្រធានអង្គការថាមពលអាតូមិករបស់អ៉ីរ៉ង់ លោក Mohammad Eslami បាននិយាយថា ប្រទេសអ៉ីរ៉ង់នឹងមិនរារាំងដំណើរការ និងការមកត្រួតពិនិត្យផ្ទាល់នៅទីតាំងពីសំណាក់ទីភ្នាក់ងារថាមពលអាតូមិកអន្តរជាតិ (IAEA) នៃអង្គការសហប្រជាជាតិនោះទេ។ នេះបេីយោងតាមការចេញផ្សាយដោយទីភ្នាក់ងារសារព័ត៌មាន Reuters នៅថ្ងៃសៅរ៍ ទី១៤ ខែធ្នូ ឆ្នាំ ២០២៤។
កាលពីសប្តាហ៍មុន IAEA រាយការណ៍ថា អ៉ីរ៉ង់បានបង្កើនល្បឿនចម្រាញ់សារធាតុអ៊ុយរ៉ានីញូមដល់កម្រិត ៦០ភាគរយ ដោយកម្រិតនេះគឺជិតដល់ ៩០ភាគរយនៃកម្រិតសម្រាប់យកទៅផលិតអាវុធនុយក្លេអ៊ែរ។ បន្ទាប់មក នៅដើមសប្តាហ៍នេះ អ៉ីរ៉ង់បានយល់ព្រមឱ្យ IAEA មកត្រួតពិនិត្យលម្អិតនៅទីតាំងរោងចក្រចម្រាញ់សារធាតុអ៊ុយរ៉ានីញូមរបស់ខ្លួន។
ប្រព័ន្ធផ្សព្វផ្សាយអ៉ីរ៉ង បានដកស្រង់សម្តីលោក Eslami ដែលបញ្ជាក់ថា «យើងមិនបានបង្កើត ហើយនឹងមិនបង្កើតឧបសគ្គណាមួយសម្រាប់ការត្រួតពិនិត្យ និងដំណើរការចូលមកត្រួតពិនិត្យរបស់ IAEA នោះតិច» ដោយបន្ថែមថា «យេីងដំណើរការក្នុងក្របខ័ណ្ឌនៃសុវត្ថិភាព ហើយទីភ្នាក់ងារក៏ធ្វើសកម្មភាពតាមបទប្បញ្ញត្តិផងដែរ គឺមិនតិចហេីយក៏មិនច្រេីន»៕
