(វ៉ាស៉ីនតោន)៖ ប៉ូលិសនៅវិមានកាពីតូល របស់សហរដ្ឋអាមេរិក កាលពីថ្ងៃអង្គារសប្តាហ៍នេះ បានចាប់ខ្លួនបុរសម្នាក់ នៅក្នុងកន្លែងទទួលភ្ញៀវនៃវិមានកាពីតូល ដោយសារបុរសរូបនោះ ដូចជាមានធំ​ក្លិន​សាំងជាប់ខ្លួន ព្រមទាំងកាន់​ពិល ​​និងកាំភ្លើង​បាញ់ផ្កាភ្លើង។ នេះបើយោងតាមការចេញផ្សាយដោយទីភ្នាក់ងារសារព័ត៌មាន Reuters នៅថ្ងៃពុធ ទី៦ ខែវិច្ឆិកា ឆ្នាំ ២០២៤។

ប៉ូលិស បានឱ្យដឹងថា កន្លែងទទួលភ្ញៀវនៃវិមានកាពីតូល ត្រូវបិទទ្វារបណ្តោះអាសន្ន ដើម្បីស៉ើបអង្កេត។ ថ្ងៃអង្គារ ទី៥ ខែវិច្ឆិកា គឺជាពេលដែលសហរដ្ឋអាមេរិក កំពុងរៀបចំការបោះឆ្នោតប្រធានាធិបតី ដោយបេក្ខជនមកពីគណបក្សប្រជាធិបតេយ្យ គឺលោកស្រី កាមេឡា ហារីស ត្រូវប្រកួតប្រជែង ជាមួយបេក្ខជនបក្សប្រជាធិបតេយ្យ លោក ដូណាល់ ត្រាំ។

នៅថ្ងៃដដែលនោះ ក៏មានជនអន្តោប្រវេសន៍ចម្រុះជាតិសាសន៍ប្រហែល ៣,០០០នាក់ សម្រុកមកកាន់ភាគខាងជើង នៃប្រទេសម៉ិកស៉ិក ដែលជាព្រំដែនឆ្ពោះមកកាន់សហរដ្ឋអាមេរិក ផងដែរ៕