(ម៉ាឌ្រីដ)៖ ក្រុមសង្គ្រោះ បានឱ្យដឹងថា ចំនួនអ្នកស្លាប់ក្នុងគ្រោះទឹកជំនន់ដ៏អាក្រក់បំផុត នៅប្រទេសអេស្ប៉ាញ ឡេីងដល់ ២០០នាក់គិតត្រឹមថ្ងៃសុក្រសប្តាហ៍នេះ ខណៈមនុស្សមួយចំនួនទៀតបន្តបាត់ខ្លួននៅឡេីយ ហើយក្តីសង្ឃឹមថានៅមានជីវិតកាន់តែតិចទៅ។ នេះបេីយោងតាមការចេញផ្សាយដោយទីភ្នាក់ងារសារព័ត៌មាន Reuters នៅថ្ងៃសៅរ៍ ទី២ ខែវិច្ឆិកា ឆ្នាំ ២០២៤។
អង្គការសម្របសម្រួលសេវាសង្គ្រោះបន្ទាន់ នៅក្នុងទីក្រុង Valencia ភាគខាងកើតដែលរងគ្រោះខ្លាំងជាងគេ បាននិយាយថាមនុស្ស ២០២នាក់បានស្លាប់។ ក្រុមអ្នកជួយសង្គ្រោះ ដោយប្រេីឧទ្ធម្ភាគចក្រ យន្តហោះដ្រូន រួមសត្វសុនខ sniffer កំពុងស្វែងរកអ្នកបាត់ខ្លួន។ រដ្ឋាភិបាលបានដាក់ពង្រាយទាហានចំនួន ៥០០នាក់ទៀតទៅកាន់តំបន់រងគ្រោះ ដើម្បីជួយដលទាហានចំនួន ១,២០០នាក់ដែលនៅទីនោះស្រាប់ នៅថ្ងៃសៅរ៍។
គួរបញ្ជាក់ថា ទឹកជំនន់ដែលបណ្តាឱ្យ បាក់ស្ពាន និងគ្រប់ដណ្តប់ទីក្រុងដោយភក់ ចាប់តាំងពីថ្ងៃអង្គារមក គឺជាគ្រោះមហន្តរាយបណ្តាលមានមនុស្សស្លាប់ច្រើនបំផុត របស់ប្រទេសអឺរ៉ុបមួយនេះមិនធ្លាប់មាន ក្នុងរយៈពេលជាច្រើនទសវត្សរ៍៕
