(មូស្គូ)៖ អ្នកនាំពាក្យរបស់តុលាការ បាននិយាយនៅថ្ងៃអង្គារនេះថា តុលាការរុស្ស៉ីសម្រេចពន្យារពេលឃុំខ្លួនបណ្តោះអាសន្នទៅលើអ្នកយកព័ត៌មានមួយរូបរបស់កាសែត Wall Street Journal គឺលោក Evan Gershkovich រយៈពេលពីរខែទៀតរហូតដល់ថ្ងៃទី៣០ ខែមករា ឆ្នាំ២០២៤។ នេះបើយោងតាមការចេញផ្សាយដោយទីភ្នាក់ងារសារព័ត៌មាន Reuters នៅថ្ងៃអង្គារ ទី២៨ ខែវិច្ឆិកា ឆ្នាំ២០២៣។

តុលាការ​ស្រុក Lefortovo របស់ទីក្រុងមូស្គូ បានបញ្ជាក់ថា «តុលាការនឹងបន្តការឃុំខ្លួនលោក Gershkovich ដែលត្រូវបានចោទប្រកាន់ពីបទឧក្រិដ្ឋកម្ម តាមមាត្រា ២៧៦នៃក្រមព្រហ្មទណ្ឌនៃសហព័ន្ធរុស្ស៉ី ឲ្យដល់រយៈពេល ១០ខែ ពោលគឺរហូតដល់ថ្ងៃទី១០ ខែមករា ឆ្នាំ២០២៤»។

គួរបញ្ជាក់ថា លោក Gershkovich ត្រូវបានចាប់ខ្លួនកាលពីថ្ងៃទី២៩ ខែមីនា នៅតំបន់ Urals នៃទីក្រុង Yekaterinburg របស់រុស្ស៉ី ក្រោមការចោទប្រកាន់ពីបទចារកម្មដែលត្រូវជាប់ពន្ធនាគាររយៈពេល ២០ឆ្នាំ ខណៈលោក Gershkovich ​បានបដិសេធ​ការ​នូវការចោទ​ប្រកាន់នេះ៕