(ម៉ានីល)៖ វិទ្យាស្ថានកិច្ចការភ្នំភ្លើង និងរញ្ជួយដីហ្វីលីពីនបាននិយាយថា គ្រោះរញ្ជួយដីកម្រិត ៦.៤រ៉ិចទ័របានវាយប្រហារខេត្ត Cagayan ភាគខាងជើងប្រទេសហ្វីលីពីននៅយប់ថ្ងៃអង្គារ ទី១២ ខែកញ្ញា នេះបើយោងតាមការចេញផ្សាយដោយ ទីភ្នាក់ងារសារព័ត៌មានស៊ីនហួរ។
វិទ្យាស្ថានបានឲ្យដឹងថា ការរញ្ជួយដីបានកើតឡើងនៅវេលាម៉ោង ៧៖០៣នាទីយប់ (ម៉ោងក្នុងតំបន់)។ ការរញ្ជួយដីនេះបានវាយប្រហារនៅជម្រៅ ១០គីឡូម៉ែត្រ ស្ថិតប្រហែល ២៦ គីឡូម៉ែត្រភាគពាយព្យ នៃកោះ Dalupiri ក្នុងទីប្រជុំជន Calayan។
ទោះជាយ៉ាងណា វិទ្យាស្ថានបានគូសបញ្ជាក់ថា ការរញ្ជួយដីនេះមិនបណ្តាលឱ្យមានគ្រោះថ្នាក់ ឬការខូចខាតឡើយ ។
គួរបញ្ជាក់ថា ប្រជុំកោះហ្វីលីពីន ជួបប្រទះសកម្មភាពរញ្ជួយដីជាញឹកញាប់ ដោយសារតែទីតាំងរបស់វានៅតាមបណ្តោយមហាសមុទ្រប៉ាស៊ីហ្វិកត្រង់ចំណុចចិញ្ចៀនភ្លើង (Ring of Fire)៕
