(ប៉េកាំង)៖ យោងតាមអាជ្ញាធរក្នុងតំបន់បានឱ្យដឹងថា មនុស្ស ៦នាក់បានស្លាប់ នៅក្នុងឧបទ្ទវហេតុអគ្គីភ័យអគារលំនៅដ្ឋានមួយ នៅក្នុងខេត្ត Zhejiang ភាគខាងកើតប្រទេសចិនកាលពីព្រឹកថ្ងៃពុធនេះ។ នេះបើយោងតាមការចេញផ្សាយដោយ ទីភ្នាក់ងារសារព័ត៌មានស៊ីនហួរ នៅថ្ងៃទី៣០ ខែសីហា ឆ្នាំ២០២៣។
រដ្ឋាភិបាលក្នុងតំបន់បាននិយាយថា អគ្គីភ័យបានកើតឡើងនៅម៉ោងប្រហែល ៣និង ៤០នាទីទៀបភ្លឺក្នុងភូមិមួយ នៃទីក្រុង Taizhou។ ក្រុមអ្នកជួយសង្គ្រោះបានប្រញាប់ប្រញាល់ ទៅកាន់កន្លែងកើតហេតុ បន្ទាប់ពីទទួលបានរបាយការណ៍ពីប៉ូលីស ដែលពួកគេបានរកឃើញមនុស្សចំនួន ៦នាក់ដែលជាប់នៅក្នុងអគ្គីភ័យនេះ។
សាកសព ៣នាក់ត្រូវបានគេរកឃើញនៅកន្លែងកើតហេតុ ខណៈ ៣នាក់ផ្សេងទៀតបានស្លាប់ដោយសាររបួស ទោះបីខំជួយសង្គ្រោះនៅមន្ទីរពេទ្យក៏ដោយ។
ចំណែកមូលហេតុនៃគ្រោះអគ្គីភ័យនេះកំពុងត្រូវបានស៊ើបអង្កេតបន្ថែម៕
