(ប៉េកាំង)៖ “ពួកយើងបានឃើញភូមិភាគស៊ីនជាំងដោយផ្ទាល់ភ្នែក គឺខុសពីការឃោសនានៃប្រព័ន្ធសារព័ត៌មានលោកខាងលិច យ៉ាងដាច់ស្រឡះ ។ ” នាពេលថ្មីៗកន្លងទៅនេះ លោក Martin Charles ឯកអគ្គរដ្ឋទូតនៃប្រទេសដូមីនីកាប្រចាំនៅចិន បានបញ្ចប់ដំណើរទស្សនកិច្ចនៅភូមិភាគស៊ីនជាំងជាលើកដំបូងដោយមិនចង់ចាកចេញ ។
ក្នុងដំណើរទស្សនកិច្ចរយៈពេល៥ថ្ងៃ លោកនិងអង្គទូតប្រចាំនៅប្រទេសចិនរបស់ប្រទេសដទៃទៀតចំនួន២៤ បាននាំគ្នាទៅបំពេញទស្សនកិច្ចនៅតំបន់ Kashgar តំបន់ Kuqa និងតំបន់ Urumqi ជាដើម ក្នុងន័យឈ្វេងយល់ពីទំនៀមទំលាប់ និងការអភិវឌ្ឍសេដ្ឋកិច្ចនិងសង្គមនៃភូមិភាគស៊ីនជាំងនៅកន្លែងផ្ទាល់ ។
គម្រោងសាងសង់ រមណីយដ្ឋាន តំបន់ទេសភាព ទីក្រុងបុរាណ វិថីចាស់ៗនិងសហគ្រាសផលិតកម្ម ។ល។ ដំណើរទស្សនកិច្ចមានកម្មវិធីដ៏សម្បូរបែប ដោយបានឈ្វេងយល់ពីស្ថានភាពគ្រប់ផ្នែកនៃភូមិភាគស៊ីនជាំង ។ “ពួកយើងបានទៅទស្សនាវិស្វកម្មធារាសាស្ត្រ គម្រោងកសិកម្ម តំបន់ពាណិជ្ជកម្មសេរី ព្រលានយន្តហោះ តំបន់ទេសចរណ៍និងវប្បធម៌ ហើយបានធ្វើការផ្លាស់ប្តូរជាមួយប្រជាជននៅទីនេះ មានចំណាប់អារម្មណ៍ថា ការអភិវឌ្ឍនៃភូមិភាគស៊ីនជាំងមានសភាពល្អប្រសើរណាស់ ។ ”
លោក MICHAEL CAMPBELL ឯកអគ្គរដ្ឋទូតនៃប្រទេសនីការ៉ាហ្គាប្រចាំនៅប្រទេសចិនយល់ឃើញថា ការអភិវឌ្ឍសេដ្ឋកិច្ចនៃភូមិភាគស៊ីនជាំងលឿនណាស់ សិទ្ធិនិងសេរីភាពរបស់ប្រជាជនក៏ទទួលបានការគាំពារយ៉ាងពេញលេញផងដែរ ប្រការនេះខុសគ្នាទាំងស្រុងពីបញ្ហា “សិទ្ធិមនុស្ស” ដែលឃោសនាបំប៉ោងដោយប្រព័ន្ធសារព័ត៌មានលោកខាងលិច។
លោក Mohsen Bakhtiar ឯកអគ្គរដ្ឋទូតអ៊ីរ៉ង់ប្រចាំនៅប្រទេសចិនបានពិនិត្យឃើញថា ចម្ការដាំសំឡីកប្បាសនៃភូមិភាគស៊ីនជាំង បានបង្កើតបណ្តាញស្រោចស្រពដ៏ទំនើប ហើយបានលើកកម្ពស់បរិមាណប្រមូលផលសំឡីកប្បាល យ៉ាងច្រើនតាមរយៈការប្រើប្រាស់ ម៉ាស៊ីបេះសំឡីកប្បាល ដែលបានកែលម្អជីវភាពរស់នៅរបស់ប្រជាជនសាមញ្ញ ។ “ពួកគេបានប្រើប្រាស់បច្ចេកវិទ្យាទំនើប ឧទាហរណ៍ដូចជាប្រើប្រាស់យន្តហោះគ្មានមនុស្សបើកមកបាញ់ថ្នាំកសិកម្ម” ។ អង្គទូតទាំងឡាយបាននាំគ្នាថ្លែងថា វាខុសគ្នាទាំងស្រុងនឹងអ្វីដែលហៅថា “បង្ខំឱ្យធ្វើពលកម្ម” ដែលឃោសនាបំប៉ោងដោយប្រព័ន្ធសារព័ត៌មានលោកខាងលិច ពីព្រោះភូមិភាគស៊ីនជាំងបានប្រើប្រាស់គ្រឿងបរិក្ខារដ៏ជឿនលឿនរួចទៅហើយ។
មិនត្រឹមតែប៉ុណ្ណោះ អង្គទូតទាំងឡាយក៏បានធ្វើការផ្លាស់ប្តូរទល់មុខជាមួយបុគ្គលិកការងារនៃសមាគមសាសនាអ៊ីស្លាម ហើយបានច្រៀងរាំយ៉ាងសប្បាយជាមួយប្រជាជនភូមិភាគស៊ីនជាំងផងដែរ ។ លោក Mariner ឯកអគ្គរដ្ឋទូតនៃប្រទេសសាម័រប្រចាំនៅប្រទេសចិនយល់ឃើញថា បើសិនជាមិនបានដល់ភូមិភាគស៊ីនជាំង នោះក៏ពិបាកយល់ដឹងពីប្រទេសចិនដ៏ពិតប្រាកដដែរ “នេះមិនត្រឹមតែដោយសារភូមិភាគស៊ីនជាំងមានផ្ទៃដីធំល្វឹងល្វើយ និងសម្បូរទៅដោយធនធានប៉ុណ្ណោះទេ ថែមទាំងក៏ដោយសារតែតំបន់នេះ មានប្រវត្តិសាស្ត្រដ៏យូរលង់និងវប្បធម៌ដ៏ចំណាស់ទៀតផង ខ្ញុំច្បាស់ជានឹងមកទស្សនកិច្ចម្តងទៀត ” ។
ប្រទេសចិនមានសុភាសិតមួយឃ្លា ដែលបានលើកឡើងថា ឃើញដោយផ្ទាល់ភ្នែកទើបជាការពិត ។ ក្នុងប៉ុន្មានឆ្នាំចុងក្រោយនេះ មន្ត្រីរដ្ឋាភិបាល ឥស្សរជនសាសនានិងអ្នកសារព័ត៌មានចំនួនជាង២ពាន់រូប ដែលមកពីប្រទេសនិងអង្គការអន្តរជាតិ ចំនួនជាង១០០បានទៅធ្វើទស្សនកិច្ចនៅភូមិភាគស៊ីនជាំង ដែលបានមើលឃើញផ្ទាល់ភ្នែកនូវការអភិវឌ្ឍសេដ្ឋកិច្ច និងសង្គមនៃភូមិភាគស៊ីនជាំង។
ព្រមពេលជាមួយគ្នានេះ ទិន្នន័យក៏អាចលាតត្រដាងពាក្យកុហកដែលបង្កប់ចេតនាអាក្រក់ផងដែរ ។ នៅចុងឆ្នាំ២០២០ ភូមិភាគស៊ីនជាំងបានលុបបំបាត់ភាពក្រីក្រដាច់ខាត ។ នៅឆមាសទីមួយឆ្នាំនេះ ភូមិភាគស៊ីនជាំងសម្រេចបាននូវតម្លៃផលិតផល ក្នុងស្រុកសរុបចំនួន៨៥៤២០៨លានយាន់ប្រាក់ចិន ដែលកើនជាង៥,១ភាគរយបើប្រៀបធៀបនឹងរយៈពេលដូចគ្នានៃឆ្នាំទៅ ។ ហើយពីខែមករា ដល់ខែមិថុនាឆ្នាំនេះ ភូមិភាគស៊ីនជាំងទទួលបានអ្នកទេសចរសរុបចំនួន១០២លាននាក់ ដែលបានកើនជាង៣១,៤៩ភាគរយបើប្រៀបធៀបនឹងរយៈពេលដូចគ្នានៃឆ្នាំទៅ សម្រេចបាននូវចំណូលខាងទេសចរណ៍ ៩២២៧៦លានយាន់ប្រាក់ចិន ដែលបានកើនជាង៧៣,៦៤ភាគរយបើប្រៀបធៀបនឹងរយៈពេលដូចគ្នានៃឆ្នាំទៅ ។ ក្នុងនាមជាតំបន់ជួរមុខនៅតំបន់ភាគខាងលិចនៃប្រទសចិនសម្រាប់បើកទូលាយចំពោះបរទេស ភូមិភាគស៊ីនជាំងបានដើរតួនាទីដ៏សំខាន់ក្នុងកិច្ចកសាង“ខ្សែក្រវាត់និងផ្លូវ”។
ដូចប្រសាសន៍របស់លោក Sergio Cabrera ឯកអគ្គរដ្ឋទូតនៃប្រទេសកូឡាំប៊ីប្រចាំនៅប្រទេសចិន ដែលបានលើកឡើងថា បើសិនជាមានឱកាស គួរតែមកទស្សនានៅភូមិភាគស៊ីនជាំង និងយល់ដឹងពីតំបន់ដ៏ស្រស់ស្អាតនេះ ហើយត្រូវតែប្រាប់ស្ថានភាពពិតប្រាកដនៃតំបន់នេះ ទៅកាន់មិត្តភក្តិរបស់ប្រទេសខ្លួន៕
វិទ្យុមិត្តភាពកម្ពុចាចិន
