(តេហេរ៉ង់)៖ មេបញ្ជាការយោធាជាន់ខ្ពស់អ៊ីរ៉ង់ បាននិយាយកាលពីថ្ងៃព្រហស្បតិ៍ថា កងទ័ពជើងទឹកអ៊ីរ៉ង់បានព្រមាននាវាមុជទឹកដើរដោយថាមពលនុយក្លេអ៊ែររបស់សហរដ្ឋអាមេរិកឲ្យចូលចត ខណៈកំពុងឆ្លងកាត់ច្រកសមុទ្រ Hormuz។ នេះបើយោងតាមការចេញផ្សាយដោយទីភ្នាក់ងារសារព័ត៌មានស៊ីនហួរ នៅថ្ងៃព្រហស្បតិ៍ ទី២០ ខែមេសា ឆ្នាំ២០២៣។

មេបញ្ជាការកងទ័ពជើងទឹកអ៊ីរ៉ង់ លោក Shahram Irani បានធ្វើការកត់សម្គាល់បែបនេះ នៅក្នុងបទសម្ភាសន៍ជាមួយបណ្តាញព័ត៌មានរដ្ឋ ដោយមិនបានបញ្ជាក់លម្អិតថាព្រឹត្តិការណ៍នេះនឹងប្រព្រឹត្តទៅនៅពេលណានោះទេ។

លោកបានបន្ថែមថា នាវាមុជទឹក Fateh របស់អ៊ីរ៉ង់បានរកឃើញនាវាមុជទឹក USS Florida របស់សហរដ្ឋអាមេរិក តាមរយៈការធ្វើសមយុទ្ធជាបន្តបន្ទាប់ ហើយបានបង្ខំឱ្យវាឡើងលើគោក ខណៈដែលនាវាក្រោយៗទៀតកំពុងខិតជិតច្រកសមុទ្រ Hormuz ក្នុង «ភាពស្ងៀមស្ងាត់ទាំងស្រង់»។

អ៊ីរ៉ង់​បាន​ចេញ​ការ​ព្រមាន​ដល់​នាវា​មុជ​ទឹក​អាមេរិក ​ព្រោះ​វា​បាន​ចូល​ក្នុង​ដែន​ទឹករបស់ខ្លួន។​ អ៊ីរ៉ង់​បាន​និយាយ​ថា​ នាវា​មុជ​ទឹក​អាមេរិក​ដែល​អម​ដោយ​នាវា​ចម្បាំង​នោះ ​បាន​កែ​តម្រង់​ផ្លូវ​របស់​ខ្លួន​ហើយ​បន្ត​ធ្វើ​ដំណើរ។

លោកបាននិយាយថា អ៊ីរ៉ង់នឹងបន្តពិនិត្យសំណុំរឿងនេះ តាមរយៈទីភ្នាក់ងារ និងអង្គការអន្តរជាតិ ដោយព្រមានថា វត្តមាន «ខុសច្បាប់ និងគ្រោះថ្នាក់» របស់សហរដ្ឋអាមេរិក បង្កបញ្ហាប្រឈមសម្រាប់ទាំងអស់គ្នា។

កងទ័ពជើងទឹកសហរដ្ឋអាមេរិក បាននិយាយកាលពីសប្តាហ៍មុនថា នាវាមុជទឹកដើរដោយថាមពលនុយក្លេអ៊ែរ USS Florida កំពុងប្រតិបត្តិការនៅមជ្ឈិមបូព៌ា ដើម្បីគាំទ្រដល់កងនាវាទីប្រាំ របស់សហរដ្ឋអាមេរិកដែលមានមូលដ្ឋាននៅប្រទេសបារ៉ែន៕