(ប៊ែរឡាំង)៖ ប្រទេសអាល្លឺម៉ង់នឹងបិទម៉ាស៊ីនរ៉េអាក់ទ័រនុយក្លេអ៊ែរចុងក្រោយចំនួន ៣ របស់ខ្លួននៅថ្ងៃសៅរ៍ (១៥ មេសា) នេះ ដើម្បីកាត់បន្ថយថាមពលអាតូមិក ទោះបីជាប្រទេសនេះព្យាយាមផ្តាច់ខ្លួនចេញពីឥន្ធនៈហ្វូស៊ីល និងគ្រប់គ្រងវិបត្តិថាមពលដែលបណ្តាលមកពីសង្គ្រាមនៅអ៊ុយក្រែនក៏ដោយ។ នេះបើយោងតាមការចេញផ្សាយដោយ ទីភ្នាក់ងារសារព័ត៌មាន AFP នៅថ្ងៃសៅរ៍ ទី១៥ ខែមេសា ឆ្នាំ២០២៣។

ខណៈពេលដែលប្រទេសលោកខាងលិចជាច្រើនកំពុងបង្កើនការវិនិយោគរបស់ពួកគេលើថាមពលអាតូមិក ដើម្បីកាត់បន្ថយការបំភាយឧស្ម័ន អាល្លឺម៉ង់កំពុងបញ្ចប់ដំណាក់កាលដំបូងនៃយុគសម័យនុយក្លេអ៊ែររបស់ខ្លួន។

សេដ្ឋកិច្ចដ៏ធំបំផុតរបស់អឺរ៉ុបបាននឹងកំពុងសម្លឹងមើលការផ្តាច់ថាមពលនុយក្លេអ៊ែរចាប់តាំងពីឆ្នាំ២០០២ ប៉ុន្តែដំណាក់កាលចាកចេញនេះ ត្រូវបានពន្លឿនដោយអតីតអធិការបតីអាល្លឺម៉ង់ លោកស្រី Angela Merkel កាលពីឆ្នាំ២០១១ បន្ទាប់ពីគ្រោះមហន្តរាយនុយក្លេអ៊ែរ Fukushima នៅប្រទេសជប៉ុន។

រដ្ឋមន្ត្រីក្រសួងបរិស្ថាន លោក Stevie Lemke បានទៅទស្សនារោងចក្នុយក្លេអ៊ែររជប៉ុនដ៏អភ័ព្វនៅមុនកិច្ចប្រជុំ G7 នៅក្នុងប្រទេសសប្តាហ៍នេះបាននិយាយថា «ហានិភ័យនៃថាមពលនុយក្លេអ៊ែរគឺមិនអាចគ្រប់គ្រងបាននៅទីបំផុត»។

ទោះជាយ៉ាងណា បញ្ហាប្រឈមដែលកើតចេញពីការឈ្លានពានរបស់រុស្ស៊ីមកលើអ៊ុយក្រែន ដែលបានបញ្ឈប់ការនាំចូលឧស្ម័នដែលមានតំលៃថោក និងតម្រូវការកាត់បន្ថយការបំភាយឧស្ម័នយ៉ាងឆាប់រហ័ស បានជំរុញឱ្យមានការអំពាវនាវកាន់តែច្រើនឡើងសម្រាប់ប្រទេសអាល្លឺម៉ង់ឱ្យពន្យារពេលការចាកចេញពីថាមពលនុយក្លេអ៊ែរ។

អង្គការ Greenpeace ដែលជាបេះដូងនៃចលនាប្រឆាំងថាមពលនុយក្លេអ៊ែរ បានអបអរសាទរចំពោះការសម្រេចចិត្តនេះ ដោយបាននិយាយថា «ទីបំផុតថាមពលនុយក្លេអ៊ែរជាកម្មសិទ្ធិក្នុងប្រវត្តិសាស្ត្រ! ចូរធ្វើថ្ងៃទី១៥ ខែមេសា ជាថ្ងៃមួយសម្រាប់ការចងចាំ»៕