(វ៉ាស៊ីនតោន)៖ ប្រធានាធិបតីអាមេរិក លោក ចូ បៃដិន បាននិយាយឱ្យដឹងនៅថ្ងៃចន្ទ (ទី១០ ខែមេសា) នេះថា លោកគ្រោងនឹងឈរឈ្មោះសម្រាប់ការបោះឆ្នោតឡើងវិញនៅឆ្នាំ២០២៤ ប៉ុន្តែមិនទាន់ត្រៀមខ្លួនរួចរាល់ក្នុងការប្រកាសវានៅឡើយទេ។ នេះបើយោងតាមការចេញផ្សាយដោយ ទីភ្នាក់ងារសារព័ត៌មាន AFP នៅថ្ងៃចន្ទ ទី១០ ខែមេសា ឆ្នាំ២០២៣។

លោក បៃដិន បាន​និយាយ​ក្នុង​បទសម្ភាសន៍​មួយ​ជាមួយ​កម្មវិធី NBC Today នៅ​មុន​ការ​ធ្វើ​បទបង្ហាញ​ក្នុងពិធីបុណ្យ the White House Easter Egg Roll​ ថា​៖ «​ខ្ញុំ​មាន​គម្រោង​រឈរឈ្មោះ... ប៉ុន្តែ​យើង​មិន​ទាន់​ត្រៀម​ខ្លួន​ជា​ស្រេច​ដើម្បី​ប្រកាស​វា​នៅ​ឡើយ​ទេ»។

លោក បៃដិន បាននិយាយថា លោកមានបំណងក្លាយជាបេក្ខភាពរបស់បក្សប្រជាធិបតេយ្យនៅឆ្នាំ ២០២៤ ប៉ុន្តែមិនទាន់បានប្រកាសជាផ្លូវការទេ។ ទាំងលោក បៃដិន និងអនុប្រធានាធិបតី លោកស្រី កាម៉ាឡា ហារីស បាននិយាយថា ពួកគេនឹងធ្វើការជាមួយគ្នា៕