(ប៉េកាំង)៖ «កិច្ចសហប្រតិបត្តិការនិងបើកទូលាយ» គឺជាពាក្យគន្លឹះមួយនៃទំនាក់ទំនងការទូតរបស់ប្រទេសចិនក្នុងយុគសម័យថ្មី ។ ប្រឈមមុខនឹងហានិភ័យនៃសេដ្ឋកិច្ចពិភពលោក និងការគាំពារនិយមដែលផ្ទុយពីនិន្នាការ ជំហានដែលប្រទេសចិនធ្វើឱ្យការបើកទូលាយ និងកិច្ចសហប្រតិបត្តិការកាន់តែស៊ីជម្រៅគឺមិនដែលបញ្ឈប់ទេ ។ លោក Xi Jinping បានប្រកាសជាច្រើនដងទៅកាន់ពិភពលោក នូវការផ្តួចផ្តើមអំពីការបើកទូលាយរបស់ប្រទេសចិន ហើយប្រទេសចិនដែលបើកទូលាយនឹងផ្តល់ កាលានុវត្តភាពកាន់តែច្រើនដល់ការអភិវឌ្ឍរបស់ពិភពលោក ។

ទិន្នន័យចុងក្រោយបំផុតស្តីពីពាណិជ្ជកម្មជាមួយបរទេស របស់ប្រទេសចិនក្នុងឆ្នាំ ២០២២ ដែលទើបតែចេញផ្សាយបង្ហាញឱ្យដឹងថា ទំហំនាំចេញនាំចូលទំនិញសរុបរបស់ប្រទេសចិនបានលើសពី ៤០ ទ្រីលានយាន់ប្រាក់ចិនជាលើកដំបូងដោយរក្សាបាន នូវឋានៈជាប្រទេសពាណិជ្ជធំបំផុតនៅលើពិភពលោក ក្នុងរយៈពេល ៦ ឆ្នាំជាប់ៗគ្នា ។ នៅក្នុងបរិបទនៃសេដ្ឋកិច្ចពិភពលោកបច្ចុប្បន្ន វាបានក្លាយជាគំរូបភាពយ៉ាងរស់រវើដែលប្រទេសចិន ប្រកាន់ខ្ជាប់នូវការបើកទូលាយកម្រិតខ្ពស់ ។

ឆ្នាំ ២០២២ ទំហំពាណិជ្ជកម្មរវាងប្រទេសចិននិងបណ្តាប្រទេស "ខ្សែក្រវាត់និងផ្លូវ" បានកើនឡើង ១៩.៤% ។ នៅក្នុងកិច្ចប្រជុំក្រៅផ្លូវការរបស់មេដឹកនាំ APEC លោក Xi Jinping បានប្រកាសថា នៅឆ្នាំ ២០២៣ ប្រទេសចិននឹងពិចារណាធ្វើជាម្ចាស់ផ្ទះនៃវេទិកាកិច្ចសហប្រតិបត្តិការអន្តរជាតិ "ខ្សែក្រវាត់និងផ្លូវ" លើកទី ៣ ដើម្បីបញ្ចូលកម្លាំងចលករថ្មីទៅក្នុងការអភិវឌ្ឍនិងវិបុលភាព នៃអាស៊ីប៉ាស៊ីហ្វិកនិងទូទាំងពិភពលោក ។

នៅឯពិព័រណ៍នាំចូលចិនអន្តរជាតិលើកទី ៥ ដែលជាពិពណ៍អន្តរជាតិដ៏សំខាន់ដំបូងដែលប្រទេសចិន បានប្រារព្ធឡើងបន្ទាប់ពីសមាជបក្សកុម្មុយនីស្តចិនលើកទី ២០ លោក Xi Jinping បានបញ្ជូនសញ្ញាយ៉ាងច្បាស់លាស់ អំពីការពង្រីកការបើកទូលាយរបស់ប្រទេសចិន ។ 《របាយការណ៍ស្តីពីការបើកទូលាយរបស់ពិភពលោកឆ្នាំ ២០២២》បានចង្អុលបង្ហាញថាប្រទេសចិនប្រកាន់ខ្ជាប់ នូវការបើកទូលាយកម្រិតខ្ពស់ ហើយបានក្លាយជាប្រភពចលករដ៏សំខាន់ នៃកំណើនសេដ្ឋកិច្ចពិភពលោក ។
ប្រទេសចិនដែលបានអភិវឌ្ឍពីកំណែទម្រង់ និងការបើកទូលាយ មិនដែលភ្លេចពីការប្រើប្រាស់សមិទ្ធផលអភិវឌ្ឍន៍របស់ខ្លួន ដើម្បីផ្តល់ផលប្រយោជន៍កាន់តែច្រើនដល់ពិភពលោកនោះទេ ។

នៅខែកញ្ញាឆ្នាំ ២០២១ លោក Xi Jinping បានលើកឡើង "គំនិតផ្តួចផ្តើមអភិវឌ្ឍន៍សកល" នៅក្នុងមហាសន្និបាតនៃអង្គការសហប្រជាជាតិ ។ នៅខែមិថុនា ឆ្នាំ ២០២២ លោក Xi Jinping បានប្រកាសពីវិធានការរបស់ប្រទេសចិន ក្នុងការអនុវត្តគំនិតផ្តួចផ្តើមអភិវឌ្ឍន៍សាកល លោកបានមានប្រសាសន៍ថា មានតែ“កិច្ចសហប្រតិបត្តិការទើបអាចសម្រេចបាន នូវរឿងធំ ធ្វើការធំបានល្អនិងធ្វើការធំបានយូរ ។ ប្រទេសអភិវឌ្ឍន៍ត្រូវបំពេញកាតព្វកិច្ចរបស់ខ្លួន ប្រទេសកំពុងអភិវឌ្ឍន៍ត្រូវពង្រឹង កិច្ចសហប្រតិបត្តិការឱ្យស៊ីជម្រៅ ដើម្បីរួមគ្នាកសាងទំនាក់ទំនងភាពជាដៃគូអភិវឌ្ឍន៍សកល ប្រកបដោយសាមគ្គីភាព សមភាពនិងផ្តល់ផលប្រយោជន៍ទូទៅ ។

សមាជបក្សកុម្មុយនីស្តចិនលើកទី ២០នៃមជ្ឈិមបក្សកុម្មុយនីស្តចិនបានលើកឡើងថា ប្រទេសចិននឹងប្រកាន់ខ្ជាប់នូវការបើកទូលាយ ដែលជាគោលនយោបាយជាតិជាមូលដ្ឋាន ។ ដូចដែលលោក Xi Jinping បានមានប្រសាសន៍ថា "ប្រទេសចិនដែលបន្តឆ្ពោះទៅរក ការធ្វើទំនើបភាវូបនីយកម្ម ប្រាកដជានឹងផ្តល់កាលានុវត្តភាពកាន់តែច្រើនដល់ពិភពលោក ព្រមទាំងរួមចំណែកកាន់តែច្រើនដល់ការរីកចម្រើន របស់មនុស្សជាតិទាំងមូលជាមិនខាន !"៕

វិទ្យុមិត្តភាពកម្ពុជាចិន