(សេអ៊ូល)៖ មនុស្ស ២៥នាក់បានរងរបួសកាលពីយប់ថ្ងៃអាទិត្យ ក្នុងឧបទ្ទវហេតុរថយន្តបុកបន្តកន្ទុយគ្នា ដែលបានកើតឡើងនៅផ្លូវល្បឿនលឿនមួយ នៅភាគខាងជើងនៃទីក្រុង Pocheon។ នេះបើយោងតាមការចេញផ្សាយដោយ ទីភ្នាក់ងារសារព័ត៌មាន AFP នៅថ្ងៃអាទិត្យ ទី១៥ ខែមករា ឆ្នាំ២០២៣។
រថយន្តប្រមាណ៤០គ្រឿងបានបុកបន្តកន្ទុយគ្នា នៅវេលាម៉ោង៩និង១៥នាទីយប់ថ្ងៃអាទិត្យ ទី១៥មករានេះ (ម៉ោងក្នុងតំបន់) នៅលើផ្លូវល្បឿនលឿន Guri-Pocheon ក្នុងទីក្រុង Pocheon ស្ថិតចម្ងាយ ៤៦គីឡូម៉ែត្រភាគឦសាននៃរដ្ឋធានីសេអ៊ូល។
មនុស្សម្នាក់បានគាំងបេះដូង និង៣នាក់ទៀតបានរងរបួសធ្ងន់ដោយសាររថយន្តធុនធំបុកគ្នាពេញទំហឹង។ មន្ត្រីបាននិយាយថា មនុស្ស ២១នាក់បានរងរបួសស្រាល និងបានទទួលការព្យាបាល។
ព្រិលទឹកកកនៅលើផ្លូវត្រូវបានគេជឿថា កត្តាបណ្តាលឱ្យមានគ្រោះថ្នាក់នេះ៕
