(វ៉ាស៊ីនតោន)៖ ប្រធានាធិបតីអាមេរិក លោក​ ចូ បៃដិន បានឲ្យដឹងកាលពីថ្ងៃព្រហស្បតិ៍ថា តារា WNBA នាង Brittney Griner ត្រូវបានដោះលែងពីការឃុំឃាំងរុស្ស៊ីហើយ ក្នុង​ការ​ដោះ​ដូរ​អ្នក​ទោស​ដែល​ជាប់​ពាក់​ព័ន្ធ​នឹង​ឈ្មួញ​អាវុធ​រុស្ស៊ី លោក Viktor Bout។ នេះបើយោងតាមការចេញផ្សាយដោយ​ សារព័ត៌មាន CNN នៅយប់ថ្ងៃទី០៨ ខែធ្នូ ឆ្នាំ២០២២។

ទោះជាយ៉ាងណាការដោះដូរនេះ មិនមានជនជាតិអាមេរិកម្នាក់ទៀត ដែលក្រសួងការបរទេសបានប្រកាសថា ត្រូវបានរុស្ស៉ីឃុំខ្លួនដោយអយុត្តិធម៌គឺលោក Paul Whelan នោះទេ។

លោក បៃ ដិន បាននិយាយនៅឯសេតវិមាននៅព្រឹកថ្ងៃព្រហស្បតិ៍សប្តាហ៍នេះ (ម៉ោងក្នុងតំបន់)​ ថា «នាងមានសុវត្ថិភាព។ នាងនៅលើយន្តហោះ កំពុងធ្វើដំណើរទៅផ្ទះ...បន្ទាប់ពីត្រូវបានឃុំខ្លួនដោយអយុត្តិធម៌ជាច្រើនខែនៅក្នុងប្រទេសរុស្ស៊ី»៕