(តេហេរ៉ង់)៖ ក្រុមបំបែកខ្លួនប្រដាប់អាវុធបានសម្លាប់មនុស្ស ១៩នាក់ រួមទាំងសមាជិកជាច្រើននាក់ នៃកងឆ្មាំបដិវត្តន៍អ៊ីស្លាម (IRGC)​ ផងដែរ នៅឯស្ថានីយ៍ប៉ូលីសក្នុងទីក្រុង Zahedan ភាគអាគ្នេយ៍ប្រទេសអ៊ីរ៉ង់។ នេះបើយោងតាមការចេញផ្សាយដោយ សារព័ត៌មាន RT នៅថ្ងៃអាទិត្យ ទី០២ ខែតុលា​ ឆ្នាំ២០២២។

ប្រភពដដែលនេះបានគូសបញ្ជាក់ថា យ៉ាងហោចណាស់សមាជិក IRGC ចំនួន ៣២នាក់ក៏បានរងរបួសក្នុងការវាយប្រហារនេះ រួមទាំងសមាជិកនៃកងកម្លាំងស្ម័គ្រចិត្ត Basij ផងដែរ។

ទីភ្នាក់ងារសារព័ត៌មានរដ្ឋ IRNA បានរាយការណ៍ថា ខ្មាន់កាំភ្លើងបានលាក់ខ្លួន ក្នុងចំណោមអ្នកគោរពបូជានៅជិតវិហារឥស្លាមមួយកន្លែង ក្នុងទីក្រុង Zahedan នៃខេត្ត Sistan-Baluchestan ហើយបន្ទាប់មកបានសម្រុកចូលប៉ុស្តិ៍ប៉ូលីសដែលនៅក្បែរនោះ៕