(អ៊ីស្តង់ប៊ុល)៖ គណៈប្រតិភូយោធារុស្ស៊ី អ៊ុយក្រែន និងតួកគីបានជួបជាមួយមន្ត្រីអង្គការសហប្រជាជាតិ (UN) នៅទីក្រុងអ៊ីស្តង់ប៊ុល នៅថ្ងៃពុធ ទី១៣ ខែកក្កដានេះ ដោយចាប់ផ្តើមកិច្ចពិភាក្សាស្តីពីការបន្តការនាំចេញគ្រាប់ធញ្ញជាតិអ៊ុយក្រែនពីកំពង់ផែសមុទ្រខ្មៅ Odesa ខណៈដែលវិបត្តិស្បៀងអាហារពិភពលោកកាន់តែអាក្រក់ទៅៗ។ នេះបើយោងតាមការចេញផ្សាយដោយ សារព័ត៌មាន Reuters នៅថ្ងៃពុធ ទី១៣ ខែកក្កដា ឆ្នាំ២០២២។

ប្រទេសតួកគីបាននិងកំពុងធ្វើការជាមួយអង្គការសហប្រជាជាតិដើម្បីចរចាកិច្ចព្រមព្រៀងមួយ បន្ទាប់ពីការលុកលុយរបស់រុស្ស៊ីនៅថ្ងៃទី២៤ ខែកុម្ភៈលើអ៊ុយក្រែន ដែលបានធ្វើឱ្យតម្លៃគ្រាប់ធញ្ញជាតិ ប្រេងចម្អិនអាហារ និងជីហក់ឡើងថ្លៃខ្លាំង។

ទាក់ទងនឹងបញ្ហានេះ អគ្គលេខាធិការអង្គការសហប្រជាជាតិ លោក Antonio Guterres បានប្រាប់អ្នកយកព័ត៌មានកាលពីថ្ងៃអង្គារថា «យើងកំពុងធ្វើការយ៉ាងលំបាក ប៉ុន្តែនៅតែមានផ្លូវដែលត្រូវទៅ...មនុស្សជាច្រើនកំពុងនិយាយអំពីវា។ យើងចូលចិត្តព្យាយាមធ្វើវា»។

អ៊ុយក្រែន និងរុស្ស៊ីគឺជាអ្នកផ្គត់ផ្គង់ស្រូវសាលីដ៏សំខាន់នៅលើពិភពលោក ហើយរុស្ស៊ីក៏ជាអ្នកនាំចេញជីដ៏ធំ ខណៈដែលអ៊ុយក្រែនជាអ្នកផលិតពោត និងប្រេងផ្កាឈូករ័ត្នដ៏សំខាន់ផងដែរ។

អ្នកការទូតនិយាយថា ព័ត៌មានលម្អិតនៃផែនការដែលកំពុងពិភាក្សារួមមាន កប៉ាល់អ៊ុយក្រែនជាអ្នកដឹកនាំកបា៉ល់ដឹកគ្រាប់ធញ្ញជាតិចូល និងចេញពីដែនទឹកកំពង់ផែដែលជីកយករ៉ែ។ ប្រទេសរុស្ស៊ីយល់ព្រមបទឈប់បាញ់ក្នុងអំឡុងពេលដឹកជញ្ជូនទំនិញ ហើយតួកគីដោយមានការគាំទ្រពីអង្គការសហប្រជាជាតិ ត្រូវត្រួតពិនិត្យកប៉ាល់ដើម្បីកាត់បន្ថយការបារម្ភរបស់រុស្ស៊ី ក្នុងការរត់ពន្ធអាវុធ។

ទីភ្នាក់ងារព័ត៌មាន Interfax បានដកស្រង់សម្តីលោក Pyotr Ilyichev ប្រធាននាយកដ្ឋានអង្គការអន្តរជាតិនៅក្រសួងការបរទេសរុស្ស៊ី ដោយនិយាយថា រុស្ស៊ីត្រៀមខ្លួនជាស្រេចដើម្បីជួយសម្រួលដល់នាវាពាណិជ្ជកម្មបរទេសដើម្បីនាំចេញគ្រាប់ធញ្ញជាតិអ៊ុយក្រែន។

លោក បាន បន្ថែម ថា រុស្ស៊ី ចង់ គ្រប់ គ្រង និង ត្រួត ពិនិត្យ កប៉ាល់ ទាំងឡាយ ដើម្បី ការពារកុំឲ្យមាន «ការ រត់ពន្ធ អាវុធ»៕