(អាន់តាលីយ៉ា)៖ រដ្ឋមន្រ្តីការទេសរុស្ស៊ី លោក សឺហ្គី ឡារ៉ូវ (Sergey Larov) បានចាប់ផ្ដើមកិច្ចប្រជុំជាមួយសមភាគីអ៊ុយក្រែន គឺលោក ឌីមីទ្រី គូឡេបា (Dmitry Kuleba) ហើយ នៅថ្ងៃព្រហស្បតិ៍នេះ ក្នុងទីក្រុង អាន់តាលីយ៉ា (Antalya) នៃប្រទេសតួគី។ នេះបើយោងតាមការចុះផ្សាយរបស់ ទីភ្នាក់សារព័ត៌មានរុស្ស៊ី People Daily នៅថ្ងៃទី១០ ខែមីនា ឆ្នាំ២០២២។

បើតាមអ្នកនាំពាក្យក្រសួងការបរទេសរុស្ស៊ី លោកស្រី ម៉ារៀ ហ្សាខារ៉ូវ៉ា (Maria Zhakharova) លោក ឡារ៉ូវ នឹងថ្លែងសុន្ទកថាស្តីពីស្ថានភាពបច្ចុប្បន្ន នៅលើពិភពលោក ក៏ដូចជាគោលជំហររបស់រុស្ស៊ី ស្តីពីបញ្ហាតំបន់និងអន្តរជាតិ នាពេលអនាគត ក្នុងសម័យប្រជុំពិសេសនៃវេទិកានេះ។

កិច្ចប្រជុំដែលបានធ្វើឡើងតាមគ្រោងទុករវាងលោកឡារ៉ូវ និង លោក គូឡេបា នឹងក្លាយជាជំនួបរវាងមន្ត្រីជាន់ខ្ពស់លើកដំបូង សម្រាប់ភាគីទាំងពីរ គិតចាប់តាំងពីការបើកប្រតិបត្តិការយោធាពិសេសរបស់រុស្ស៊ី នៅក្នុងប្រទេសអ៊ុយក្រែន កាលពីថ្ងៃទី២៤ ខែកុម្ភៈ។

គួរបញ្ជាក់ថា ចាប់តាំងពីប្រទេសរុស្ស៊ី បានប្រតិបត្តិការយោធានៅអ៊ុយក្រែន ភាគីទាំងពីរបានជួបចរចាគ្នារកដំណោះស្រាយ ចំនួនបីលើក នៅប្រទេសបេឡេរុស ដោយកិច្ចចរចាជុំទី៣ ទើបតែត្រូវបានធ្វើឡើង កាលពីថ្ងៃចន្ទសប្តាហ៍នេះ៕