(ប៉េកាំង)៖ ការប្រកួតកីឡាប៉ារ៉ាឡាំពិករដូវរងាក្រុងប៉េកាំង នឹងសម្ពោធបើកនៅថ្ងៃទី៤ ខែមីនា ឆ្នាំ២០២២ តុក្កតា Shuey Rhon Rhon តំណាងការប្រកួតប៉ារ៉ាឡាំពិករដូវរងាក្រុងប៉េកាំង នឹងមកធ្វើការជំនួសតុក្កតា Bing Dwen Dwen! ដូច្នេះតើតុក្កតា Shuey Rhon Rhon នៃការប្រកួតកីឡាប៉ារ៉ាឡាំពិករដូវរងាក្រុងប៉េកាំង មានប្រភពមកពីណា? តើមានចំណុច «ភ្ញាក់ផ្អើល» អ្វីខ្លះ?
១៖ ប្រភពនៃភាពច្នៃប្រឌិត
អ្នកនាង Jiang Yufan សមាជិកនៃក្រុមអ្នករចនាតុក្កតា Shuey Rhon Rhon នៃការប្រកួតកីឡាប៉ារ៉ាឡាំពិករដូវរងាក្រុងប៉េកាំងបាននិយាយថា៖ ការបំផុសគំនិតសម្រាប់ការច្នៃរូបតុក្កតានេះ គឺមកពីស្រុកកំណើតរបស់នាង ដែលជាស្រុកតូចមួយមានទំនៀមទម្លាប់ចូលឆ្នាំថ្មីច្រើន។ ក្នុងឱកាសបុណ្យចូលឆ្នាំថ្មីប្រពៃណីចិន ផ្លូវតូចធំនៅស្រុកនេះត្រូវបានតុបតែងដោយគោមក្រហម គ្រប់ទីកន្លែងមានបរិយាកាសសប្បាយរីករាយនិងកក់ក្តៅ ដូចគ្នាទៅនឹងចំណាប់អារម្មណ៍ចំពោះតុក្កតា Shuey Rhon Rhon។
២៖ ផ្តល់ជីវិតដល់ចង្កៀងគោម
«ថ្ងៃទីដប់ប្រាំ ខែទី១ តាមច័ន្ទគតិចិន ព្រិលធ្លាក់លើចង្កៀងគោម» - ដោយសារត្រូវបានបំផុសគំនិតពីឃ្លាបុរាណនេះ ទីបំផុត ក្រុមអ្នករចនាបានសម្រេចចិត្តដាក់ព្រិល នៅលើចង្កៀងគោមក្រហម។ តុក្កតា Shuey Rhon Rhon បង្កប់នូវធាតុផ្សំ នៃការរចនាបែបប្រពៃណីចិន។ បន្ថែមពីលើរូបរាងជាមូលដ្ឋាន នៃចង្កៀងគោមក្រហម នៅមានកងសម្រាប់ព្យួររូប Ruyi នៅផ្នែកខាងលើនៃក្បាល មានរូបមហាកំផែង សត្វព្រាបសន្តិភាពនិងប្រាសាទ Tiantan ដែលបានវិវត្តន៍ពីសិល្បៈក្រដាសកាត់។
៣៖ អាថ៌កំបាំងរបស់តុក្កតា Shuey Rhon Rhon លើកនេះ ក្រុមអ្នករចនាបានធ្វើឱ្យតុក្កតា Shuey Rhon Rhon បញ្ចេញពន្លឺដ៏កក់ក្តៅ តាមរយៈប្រធានបទស្តីពីបំភ្លឺសុបិន និងធ្វើឱ្យពិភពលោកមានភាពកក់ក្តៅ។
៤៖ តុក្កតាមាស Shuey Rhon Rhon ជារង្វាន់ពិសេស «ផ្ទាល់ខ្លួន» របស់អត្តពលិកដែលទទួលបានមេដោយ
ដូចតុក្កតាមាស Bing Dwen Dwen ដែរ តុក្កតា Shuey Rhon Rhon ក៏ជារង្វាន់ពិសេស «ផ្ទាល់ខ្លួន» របស់អត្តពលិក ដែលទទួលបានមេដោយផងដែរ។ ផ្នែកខាងក្រៅរបស់តុក្កតា Shuey Rhon Rhon ព័ន្ធព័ទ្ធដោយកម្រងផ្កាមាស ដែលមានន័យថា ពន្លឿព្រិលទឹកកកដែលស្វិតស្វាញរឹងមាំ និងពោរពេញដោយភាពរស់រវើក។
តាមការផ្សាយដំណឹងបានឱ្យដឹងថា ការប្រកួតកីឡាប៉ារ៉ាឡាំពិករដូវរងាលើកនេះ នឹងមានការប្រកួតកីឡា Curling ជិះរទេះរុញ និងហុកឃីលើទឹកកកប៉ារ៉ាឡាំពិក។ សរុបមានការប្រកួតវិញ្ញាសាធំៗចំនួន៦ និងការប្រកួតវិញ្ញាសាតូចៗចំនួន៧៨។ នៅពេលនោះ អត្តពលិកចិននឹងចូលរួម ក្នុងការប្រកួតវិញ្ញាសាធំៗទាំងអស់។ សូមជូនពរអត្តពលិកទាំងអស់ឱ្យទទួលបានជោគជ័យ ក្នុងការប្រកួតកីឡាប៉ារ៉ាឡាំពិករដូវរងាក្រុងប៉េកាំង៕
