(ហ្សាកាតា)៖ ឥណ្ឌូណេស៊ីកត់ត្រានូវករណីឆ្លងថ្មី នៃជំងឺកូវីដ១៩ ចំនួន ២៧,២៣៣ករណីក្នុងរយៈពេល ២៤ម៉ោងចុងក្រោយនេះ។ នេះបើយោងតាមការចេញផ្សាយដោយ ទីភ្នាក់ងារសារព័ត៌មានស៊ីនហួរ នៅយប់ថ្ងៃអាទិត្យ ទី០៤ ខែកក្កដា ឆ្នាំ២០២១។
នៅថ្ងៃជាមួយគ្នានេះឥណ្ឌូនេស៊ីក៏បានកត់ត្រាអ្នកស្លាប់ថ្មីចំនួន ៥៥៥នាក់ទៀតផងដែរ ខណៈអ្នកជាសះស្បើយ ១៣,១២៧នាក់។
ការកើនឡើងនូវករណីឆ្លង និងស្លាប់នេះត្រូវបានស្តីបន្ទោសទៅលើការធ្វើដំណើរក្នុងកំឡុងពេលវិស្សមកាល Eid al-Fitr កាលពីខែមុន ក៏ដូចជាការមកដល់នៃវីរុសបំប្លែងខ្លួនថ្មី Delta ដែលត្រូវបានរកឃើញដំបូងនៅក្នុងប្រទេសឥណ្ឌាផងដែរ។
សរុបមករិញ ប្រទេសអាស៊ានមូួយនេះមានករណីឆ្លងសរុប ២,២៨៤,០៨៤ករណី ក្នុងនោះស្លាប់ ៦០,៥៨២នាក់ និងជាសះស្បើយ ១,៩២៨,២៧៤នាក់៕
