(ប៉េកាំង)៖ ដើម្បីអបអរសាទរខួបមួយរយឆ្នាំ នៃការបង្កើតបក្សកុម្មុយនិស្តចិន នៅថ្ងៃទី២២ ខែមិថុនា ពិព័រណ៍តាំងបង្ហាញស្នាដៃសិល្បៈកំពូលចិន អំពីប្រវត្តិសាស្ត្របក្សកុម្មុយនិស្តចិន ក្រោមប្រធានបទកោតសរសើរគុណូបការៈ ដែលសហរៀបចំដោយអគ្គស្ថានីយវិទ្យុនិងទូរទស្សន៍មជ្ឈិមចិន(CMG) ជាមួយសារមន្ទីជាតិចិន បានសម្ពោធបើកជាផ្លូវការនៅទីក្រុងប៉េកាំង ដែលនឹងបន្តតាំងពិព័រណ៍ដល់ថ្ងៃទី២៥ ខែកក្កដាខាងមុខនេះ។

ពិព័រណ៍ប្រធានបទមួយនេះមានសំអាងតាមកម្មវិធីទូរទស្សន៍ពិសេសនៃ CMG បានតាំងបង្ហាញស្នាដៃចំនួន១០០ទាំងគំនូរនិងរូបចម្លាក់ជាដើម ដែលតំណាងនូវដំណាក់កាលសំខាន់ៗ តាំងពីបក្សកុម្មុយនិស្តចិនត្រូវបានបង្កើតឡើង ក្នុងបំណងឱ្យសាធារណជនស្វែងយល់កាន់តែស៊ីជម្រៅ នូវប្រវត្តិសាស្ត្របក្សកុម្មុយនិស្តចិន ប្រវត្តិសាស្ត្រសាធារណរដ្ឋប្រជាមានិតចិន ប្រវត្តិសាស្ត្រនៃការធ្វើកំណែទម្រង់និងការបើកទូលាយ និងប្រវត្តិសាស្ត្រនៃការអភិវឌ្ឍន៍សង្គមនិយម។

ក្នុងនោះ គំនូរ៤ផ្ទាំង ដែលបង្ហាញពីឥរយាបថជាអ្នកដឹកនាំរបស់លោក Xi Jinping អគ្គលេខាធិការនៃមជ្ឈិមបក្សកុម្មុយនិស្តចិន ត្រូវបានតាំងបង្ហាញតាមរបៀបឌីជីថល បានទាក់ទាញក្រសែភ្នែករបស់ទស្សនិកជនយ៉ាងខ្លាំងជាពិសេស៕