(បាងកក)៖ អាជ្ញាធរសុខាភិបាលថៃនៅថ្ងៃចន្ទ ទី២០ ខែមេសា ឆ្នាំ២០២០ នេះបានរាយការណ៍ពីការរកឃើញករណីឆ្លងថ្មីៗ នៃជំងឺ COVID-19 ចំនួន២៧ករណីបន្ថែមទៀត ដែលនាំឲ្យករណីឆ្លងសរុបនៅក្នុងប្រទេសអាស៊ីអាគ្នេយ៍មួយនេះ បានកើនដល់២,៧៩២ ករណី។ នេះបើយោងតាមការដកស្រង់ការផ្សាយចេញពីសារព័ត៌មាន CNA។

លោក ថាវីស៊ីន វីសានុយុទ្ធិន (Taweesin Wisanuyothin) អ្នកនាំពាក្យអង្គភាពប្រយុទ្ធប្រឆាំងនឹងជំងឺ COVID-19 នៅក្នុងប្រទេសថៃ បានគូសបញ្ជាក់ថា ក្នុងចំណោម ករណីឆ្លងថ្មីទាំង ២៧ករណីខាងលើ មាន១៦ករណីមានទំនាក់ទំនងនឹងករណីឆ្លងមុនៗ។

គួរជម្រាបថា បូកបញ្ចូលតួលេខថ្មីខាងលើ ធ្វើឱ្យអ្នកឆ្លង COVID-19 សរុបនៅក្នុងប្រទេសថៃ កើនដល់២,៧៩២នាក់ ក្នុងនោះអ្នកជំងឺ៤៧ នាក់បានស្លាប់ ខណៈ១,៩៩៩នាក់ បានជាសះស្បើយឡើងវិញនិងត្រូវបានអនុញ្ញាតឱ្យត្រឡប់ទៅផ្ទះ៕