(ឡុងដ៍)៖ អាជ្ញាធរសុខាភិបាលចក្រភពអង់គ្លេស នៅថ្ងៃពុធនេះ បានឱ្យដឹងថាអ្នកជំងឺ COVID-19 ៥៦៣នាក់ បានស្លាប់ពេញមួយថ្ងៃអង្គារម្សិលមិញ ហើយបូកតួលេខថ្មីនេះ ធ្វើឱ្យចំនួនអ្នកស្លាប់សរុបកើនដល់ ២,៣៥២នាក់។ នេះបើតាមការចេញផ្សាយដោយទីភ្នាក់ងារព័ត៌មាន Reuters នៅថ្ងៃពុធ ទី០១ ខែមេសា ឆ្នាំ២០២០។

បើតាមអាជ្ញាធរសុខាភិបាលចក្រភពអង់គ្លេស ចំនួនអ្នកឆ្លង COVID-19 សរុប ក៏បានកើនដល់ ២៩,៤៧៤ ករណីផងដែរ គិតត្រឹមម៉ោង៨៖០០ ព្រឹក (ម៉ោងក្នុងទីក្រុងឡុងដ៍) ថ្ងៃពុធនេះ បើធៀបទៅនឹងកាលពីថ្ងៃអង្គារ អ្នកឆ្លងជំងឺដ៏កាចសាហាវនេះមាន ២៥,១៥០នាក់៕