(ប៉េកាំង)៖ អាជ្ញាធរសុខាភិបាលចិនបានបញ្ចេញរបាយការណ៍ប្រចាំថ្ងៃ នៅព្រឹកថ្ងៃទី២០ ខែកុម្ភៈ ឆ្នាំ២០២០នេះថា ចំនួនមនុស្សស្លាប់ដោយសារវីរុសកូរ៉ូណាថ្មី ឬ COVID-19 នៅក្នុងប្រទេសចិនបានកើនឡើងដល់២,១១២នាក់ ហើយចំនួនអ្នកឆ្លងបានបន្តកើនដល់៧៤,៥០០នាក់។ នេះបើតាមការចេញផ្សាយដោយ ទីភ្នាក់ងារព័ត៌មាន CNA នាព្រឹកថ្ងៃទី២០ ខែកុម្ភៈនេះ។

អាជ្ញាធរសុខាភិបាលចិនបានបញ្ជាក់ថា កាលពីថ្ងៃអង្គារម្សិលមិញនេះមនុស្ស១០៨នាក់បន្ថែមទៀត បានស្លាប់ធ្វើឲ្យចំនួនកើនដល់២,១១២នាក់ និងមនុស្សឆ្លងមេរោគ COVID-19 ថ្មីទៀតមានចំនួន៦១៥នាក់នៅតាមបណ្តាខេត្ត និងតំបន់ចំនួន១៣ របស់ចិន ធ្វើឲ្យចំនួនកើនដល់៧៤,៥០០នាក់៕