(ពិភពលោក)៖ នៅថ្ងៃសុក្រ ទី០៨ ខែមីនា ឆ្នាំ២០១៩នេះ ព្រឹត្តិការណ៍អន្តរជាតិសំខាន់ៗ ជាច្រើនបានកើតឡើង រួមមានទាំងព្រឹត្តិការណ៍នយោបាយ និងស្ថានការណ៍ទូទាំងសកលលោកដ៏គួរឲ្យចាប់អារម្មណ៍ជាច្រើន។ ដូច្នេះបើចង់ដឹងថាតើព្រឹត្តិការណ៍រូបភាពប្រចាំថ្ងៃនេះមានអ្វីខ្លះនោះ សូមទស្សនាដូចខាងក្រោម៖
១៖ ថ្ងៃនេះជាខួប០៥ឆ្នាំគត់ នៃករណីបាត់យន្តហោះអាកាសចរណ៍ម៉ាឡេស៊ី MH370 ដែលនៅតែបន្តជាអាថ៌កំបាំងដ៏ធំមួយ។
២៖ នាយករដ្ឋមន្ត្រីហ្វាំងឡង់ ស្នើសុំប្រធានាធិបតីរំលាយរដ្ឋាភិបាលនិងសភា ក្រោយផែនការធំបំផុតរបស់ខ្លួនស្តីពីការកំណែទម្រង់ផ្នែកសុខាភិបាលនិងសេវាថែទាំសង្គមទទួលបរាជ័យ។
៣៖ ពិព័រណ៍សិប្បកម្មប្រារព្ធឡើងនៅទីក្រុងគែរប្រទេសអេហ្ស៊ីប ដើម្បីអបអរទិវាសិទ្ធិនារីអន្តរជាតិ។
៤៖ សាលារៀននិងអាជីវកម្មនានានៅវេណេស៊ុយអេឡាត្រូវបានបិទទ្វារ ខណៈដែលការដាច់ចរន្តអគ្គិសនីបានឈានចូលដល់ថ្ងៃទីពីរ។
៥៖ អតីតមន្ត្រីជំនិតលោក ដូណាល់ ត្រាំ ត្រូវផ្តន្ទាទោសដាក់ពន្ធនាគារ៤៧ខែ និងពិន័យជាប្រាក់៥ម៉ឺនដុល្លារ ដែលទោសនេះគឺស្រាលជាងការរំពឹងទុក។
៦៖ ឥណ្ឌាជួលនាវាមុជទឹកប្រយុទ្ធ-នុយក្លេអ៊ែរពីរុស្ស៊ីគ្រឿងទី៣ ក្នុងរយៈពេល១០ឆ្នាំ ដោយត្រូវបង់ប្រាក់ជាង៣ពាន់លានដុល្លារអាមេរិក។
៧៖ យាន Crew Dragon របស់ក្រុមហ៊ុន SpaceX ចាកចេញពីស្ថានីយអវកាសអន្តរជាតិ ដើម្បីចុះត្រឡប់មកផែនដីវិញ។
