(ពិភពលោក)៖ នាថ្ងៃព្រហស្បតិ៍ ទី២៨ ខែកុម្ភៈ ឆ្នាំ២០១៩នេះ ព្រឹត្តិការណ៍អន្តរជាតិសំខាន់ៗ ជាច្រើនបានកើតឡើង រួមមានទាំងព្រឹត្តិការណ៍នយោបាយ និងស្ថានការណ៍ទូទាំងសកលលោកដ៏គួរឲ្យចាប់អារម្មណ៍ជាច្រើន ជាពិសេសគឺព្រឹត្តិការណ៍ជំនួបកំពូលត្រាំ-គីម នៅក្នុងប្រទេសវៀតណាមតែម្តង។
ដូច្នេះបើចង់ដឹងថាតើព្រឹត្តិការណ៍រូបភាពប្រចាំថ្ងៃនេះមានអ្វីខ្លះនោះ សូមទស្សនាដូចខាងក្រោម៖
១៖ ប្រធានាធិបតីអាមេរិក លោក ដូណាល់ ត្រាំ និងប្រមុខដឹកនាំកូរ៉េខាងជើង លោក គីម ជុងអ៊ុន ជួបមុខគ្នានៅថ្ងៃទីពីរនៃជំនួបកំពូលនៅឯហាណូយប្រទេសវៀតណាម។
២៖ លោក ដូណាល់ ត្រាំ ធ្វើសន្និសីទកាសែតមួយ ក្រោយពីជំនួបកំពូលជាមួយលោក គីម ជុងអ៊ុន ត្រូវបានបិទបញ្ចប់យ៉ាងតក់ក្រហល់ និងពុំមានពិធីចុះហត្ថលេខាលើកិច្ចព្រមព្រៀងឬសេចក្តីថ្លែងការណ៍អ្វីទាំងអស់។
៣៖ លោក ត្រាំ ឡើង Air Force One ចាកចេញពីអាកាសយានដ្ឋានអន្តរជាតិ Noi Bai នៃទីក្រុងហាណូយ ដើម្បីត្រឡប់ទៅសហរដ្ឋអាមេរិកវិញ។
៤៖ អ្នកភូមិ១១នាក់រងរបួស និងលំនៅឋានជាង១០០ខ្នងត្រូវខូចខាត ដោយសារគ្រោះរញ្ជួយដីកម្រិត៥.៦រ៉ិចទ័រ នៅខេត្តស៊ូម៉ាត្រាខាងលិច។
៥៖ អូស្រ្តាលីប្រារព្ធព្រឹត្តិការណ៍ Air Show និងពិព័រណ៍គ្រឿងបរិក្ខាការពារជាតិនៅទីក្រុង Melbourne។
៦៖ អាហ្វហ្គានីស្ថានប្រារព្ធទិវាជាតិ ដើម្បីផ្តល់ការលើកទឹកចិត្តដល់កងទ័ព។
៧៖ ថ្ងៃស្អែកប៉ាគីស្ថាននឹងធ្វើការដោះលែងពីឡុតឥណ្ឌាម្នាក់ដែលខ្លួនចាប់បាន ក្រោយពីយន្តហោះចម្បាំងរបស់គេត្រូវបានបាញ់ធ្លាក់។
