(ហាណូយ)៖ ក្រសួងការបរទេសវៀតណាម បានឱ្យដឹងថាប្រធានាធិបតីអាមេរិក លោក ដូណាល់ ត្រាំ នឹងធ្វើដំណើរមកដល់ទីក្រុង ហាណូយនៅល្ងាចថ្ងៃអង្គារសប្ដាហ៍នេះ មុនចូលរួមកិច្ចប្រជុំកំពូលជាមួយមេដឹកនាំកូរ៉េខាងជើង លោក គីម ជុងអ៊ុន។ នេះបើតាម ការចេញផ្សាយដោយទីភ្នាក់ងារសារព័ត៌មាន Reuters នៅថ្ងៃចន្ទ ទី២៥ ខែកុម្ភៈ ឆ្នាំ២០១៩។

យោងតាមក្រសួងការបរទេសវៀតណាម លោក ដូណាល់ ត្រាំ ក៏នឹងត្រូវជួបពិភាក្សាការងារជាមួយប្រធានាធិបតីវៀតណាម លោក Nguyen Phu Trong ផងដែរនៅល្ងាចថ្ងៃពុធ។ ចំណែកឯ លោក គីម ជុងអ៊ុនវិញ ដែលកំពុងស្ថិតនៅលើរថភ្លើងពិសេស ត្រូវបាន គេរំពឹងថានឹងធ្វើដំណើរមកដល់ទីក្រុង Dong Dang របស់វៀតណាមជាប់ព្រទល់ជាមួយចិននៅថ្ងៃអង្គារសប្ដាហ៍នេះ មុននឹងបន្ត ដំណើរតាមរថយន្ដឆ្ពោះទៅកាន់ទីក្រុងហាណូយ។

គួរជម្រាបថា ជំនួបកំពូលត្រាំ-គីម លើកទី២ នឹងត្រូវប្រព្រឹត្តទៅពីថ្ងៃពុធ រហូរដល់ថ្ងៃព្រហស្បតិ៍សប្ដាហ៍នេះ។ ប៉ុន្តែមកទល់នឹង ពេលនេះមិនទាន់មានការបញ្ជាក់លម្អិតណាមួយពីជំនួបរវាងមេដឹកនាំទាំង២នៅឡើយទេ ខណៈការរំសាយអាវុធនុយក្លេអ៊ែរនៅលើ ឧបទ្វីបកូរ៉េអាចនឹងក្លាយជារបៀបវារៈសំខាន់៕