(ពិភពលោក)៖ នៅថ្ងៃព្រហស្បតិ៍ ទី១៤ ខែកុម្ភៈ ឆ្នាំ២០១៩នេះ ព្រឹត្តិការណ៍អន្តរជាតិសំខាន់ៗ ជាច្រើនបានកើតឡើង រួមមានទាំង ព្រឹត្តិការណ៍នយោបាយ និងស្ថានការណ៍ទូទាំងសកលលោកដ៏គួរឲ្យចាប់អារម្មណ៍ជាច្រើន។ ដូច្នេះបើចង់ដឹងថាតើព្រឹត្តិការណ៍ រូបភាពប្រចាំថ្ងៃនេះមានអ្វីខ្លះនោះសូមទស្សនាដូចខាងក្រោម៖
១៖ ពាក្យចចាមអារ៉ាមពីការប្រទះឃើញសត្វខ្លារខិនពណ៌ខ្មៅ បានលេចឡើងតាំងយូរមកហើយ នៅតំបន់ភាគកណ្តាលប្រទេសកេនយ៉ា ប៉ុន្តែពេលនេះក្រុមអ្នកវិទ្យាសាស្រ្តបានទទួលស្គាល់ វត្តមានរបស់ពួកវានៅទីនោះ ជាមួយរូបភាពកម្រជាច្រើនសន្លឹក៕
២៖ ខ្មោចនាវាដឹកយន្តហោះចម្បាំងអាមេរិកមួយគ្រឿង កាលពីសម័យសង្រ្គាមលោកលើកទីពីរ ត្រូវបានអ្នកស្រាវជ្រាវរកឃើញនៅឯបាតមហាសមុទ្រប៉ាស៊ីហ្វិក៕
៣៖ ព្រឹត្តិការណ៍អន្តរជាតិធំមួយនៃការបង្ហោះបាឡុងខ្យល់ បានចាប់ផ្តើមប្រព្រឹត្តទៅនាថ្ងៃព្រហស្បតិ៍នេះ ក្នុងខេត្ត Lai Chau ភាគខាងជើងប្រទេសវៀតណាម៕
៤៖ ទីបំផុតទីភ្នាក់ងារអវកាសអាមេរិក NASA នាថ្ងៃពុធសប្តាហ៍នេះ បានប្រកាសបិទបញ្ចប់ជាផ្លូវការនូវបេសកកម្មរបស់យានរុករក Opportunity ហើយ បន្ទាប់ពីវាបានប្រឹងប្រែងធ្វើការសិក្សាស្រាវជ្រាវរយៈពេល ១៥ឆ្នាំ នៅលើផ្ទៃនៃភពអង្គារ (Mars)៕
៥៖ អាជ្ញាធរប៉ាពួញូហ្គីណេ (Papua New Guinea) បានរកឃើញរថយន្ដផលិតដោយក្រុមហ៊ុន Maserati ចំនួន ៤០គ្រឿងដែលបានបាត់យ៉ាងអាថ៌កំបាំង បន្ទាប់ពីបានទិញសម្រាប់ដឹកមេដឹកនាំអន្តរជាតិ នាឱកាសរៀបចំកិច្ចប្រជុំ APEC កាលពីពេលថ្មីនេះនោះហើយ៕
៦៖ ក្រុមរដ្ឋអាជ្ញាអាមេរិក បានចោទប្រកាន់អតីតមន្ត្រីកងទ័ពអាកាសអាមេរិកម្នាក់ ពីបទស៊ើបការណ៍សំងាត់ឱ្យអ៊ីរ៉ង់តាមរយៈការលួចយកព័ត៌មានជាច្រើនពីមិត្តរួមការងាររបស់ខ្លួន៕
