(ពិភពលោក)៖ នៅថ្ងៃសៅរ៍ ទី០៩ ខែកុម្ភៈ ឆ្នាំ២០១៩នេះ ព្រឹត្តិការណ៍អន្តរជាតិសំខាន់ៗ ជាច្រើនបានកើតឡើង រួមមានទាំងព្រឹត្តិការណ៍នយោបាយ និងស្ថានការណ៍ទូទាំងសកលលោកដ៏គួរឲ្យចាប់អារម្មណ៍ជាច្រើន។ ដូច្នេះបើចង់ដឹងថាតើព្រឹត្តិការណ៍រូបភាពប្រចាំថ្ងៃនេះមានអ្វីខ្លះនោះ សូមទស្សនាដូចខាងក្រោម៖
១៖ មនុស្ស១៤នាក់ស្លាប់ ក្នុងហេតុការណ៍បាញ់ប្រហារគ្នារវាងក្រុមឧក្រិដ្ឋជនគ្រឿងញៀន នៅទីក្រុងរីយ៉ូ ប្រទេសប្រេស៊ីល។
២៖ អាជ្ញាធរបរិស្ថានសិង្ហបុរីបញ្ជាក់មូលហេតុថា ផ្សែងឆ្ងៀមក្នុងខ្យល់អាកាសនៅតំបន់ភាគខាងកើតប្រទេសសិង្ហបុរី គឺបង្កឡើងពីភ្លើងឆេះនៅកន្លែងចាក់សំរាមក្នុងរដ្ឋ Johor នៃប្រទេសម៉ាឡេស៊ី។
៣៖ កប៉ាល់សម្រាប់ដាក់ពង្រាយពោងសញ្ញាលើផ្ទៃទឹកឈ្មោះ Polaris របស់ម៉ាឡេស៊ី និងកប៉ាល់ដឹកទំនាញក្រិច Piraeus ប៉ះគ្នានៅក្នុងដែនសមុទ្ររបស់សិង្ហបុរី។
៤៖ រដ្ឋាភិបាលនូវែលសេឡង់ បន្តប្រឹងប្រែងពន្លត់ភ្លើងឆេះព្រៃដែលបានបង្កការបំផ្លិចបំផ្លាញ រយៈពេល០៣ថ្ងៃមកហើយ នៅក្នុងតំបន់ Tasman ភាគកណ្តាលប្រទេស។
៥៖ ប្រធានអង្គការ NASA បញ្ជាក់៖ បេសកកម្មនាំមនុស្សទៅឋានព្រះច័ន្ទលើកនេះ មិនមែនដូចកាលជំនាន់អាប៉ូឡូឡើយ។
៦៖ មេបក្សប្រឆាំងវេណេស៊ុយអេឡា លោក Juan Guaido ព្រមានពីលទ្ធភាពបើកផ្លូវឲ្យអាមេរិកចូលអន្តរាគមន៍យោធា ដើម្បីទម្លាក់លោក ម៉ាឌូរ៉ូ។
៧៖ អាមេរិក រុស្ស៊ី និងចិនសុទ្ធតែកំពុងប្រជែងគ្នាផលិតមីស៊ីល ដែលមានល្បឿនលឿនជាងសំឡេង។
