(វ៉ាស៊ីនតោន)៖ លោក ចន ឌីកនែល (John Dignell) ជាអតីតតំណាងរាស្រ្តនៃរដ្ឋមីឈីហ្គែន (Michigan) និងជាសមាជិកសភាអាមេរិកដែលកាន់តួនាទីបានយូរជាងគេបំផុត ទទួលមរណភាពនាថ្ងៃព្រហស្បតិ៍សប្តាហ៍នេះ ក្នុងជន្មាយុ៩២ឆ្នាំ។ នេះបើតាមការដកស្រង់ការផ្សាយចេញពីទីភ្នាក់ងារព័ត៌មានចិន ស៊ីនហួរ នៅរសៀលថ្ងៃសុក្រ ទី០៨ ខែកុម្ភៈ ឆ្នាំ២០១៩។
បើតាមសេចក្តីថ្លែងការណ៍ការិយាល័យភរិយាលោក គឺលោកស្រី ដេបប៊ី ឌីកនែល ដែលមានមុខតំណែងជាសមាជិកសភាអាមេរិកមួយរូបដែរនោះ លោក John Dignell បានទទួលមរណភាពនៅឯគេហដ្ឋានក្នុងទីក្រុងឌៀប៊ន (Dearborn) បន្ទាប់ពីលោកត្រូវបានធ្វើរោគវិនិច្ឆ័យឃើញថា មានជំងឺមហារីកក្រពេញបំពង់ទឹកនោម កាលពីឆ្នាំទៅមិញ។
គួរជម្រាបថា លោក Dignell បានជាប់ឆ្នោតក្នុងសភាតំណាងរាស្រ្តអាមេរិកកាលពីឆ្នាំ១៩៥៥ ហើយលោកបានកាន់តំណែងនេះរហូតដល់ពេលចូលនិវត្តន៍នៅឆ្នាំ២០១៤ ក្រោយរយៈពេល៥៩ឆ្នាំ៕
