(ពិភពលោក)៖ នៅថ្ងៃព្រហស្បតិ៍ ទី២៤ ខែមករា ឆ្នាំ២០១៩នេះ ព្រឹត្តិការណ៍អន្តរជាតិសំខាន់ៗ ជាច្រើនបានកើតឡើង រួមមានទាំងព្រឹត្តិការណ៍នយោបាយ និងស្ថានការណ៍ទូទាំងសកលលោកដ៏គួរឲ្យចាប់អារម្មណ៍ជាច្រើន។ ដូច្នេះបើចង់ដឹងថាតើព្រឹត្តិការណ៍រូបភាពប្រចាំថ្ងៃនេះមានអ្វីខ្លះនោះ សូមទស្សនាដូចខាងក្រោម៖
១៖ យន្តហោះចម្បាំងរុស្ស៊ី Su-27 ហោះស្ទាក់យន្តហោះស៊ើបការណ៍របស់ស៊ុយអែត នៅលើដែនសមុទ្របាល់ទិក។
២៖ ព្រះចៅស៊ុលតង់នៃរដ្ឋ Pehang ក្លាយជាព្រះមហាក្សត្រថ្មីនៃប្រទេសម៉ាឡេស៊ី។
៣៖ ការផ្តល់សក្ខីកម្មរបស់អតីតមេធាវីលោក ដូណាល់ ត្រាំ នៅចំពោះមុខសភា ត្រូវពន្យាពេល ព្រោះតែការគំរាមកំហែងពីលោក ត្រាំ។
៤៖ តារាភាពយន្តសិង្ហបុរី Aloysius Pang ស្លាប់ក្នុងពេលបំពេញកាតព្វកិច្ចយោធា។
៥៖ មនុស្ស០៥នាក់ស្លាប់ក្នុងករណីបាញ់ប្រហារយ៉ាងកក្រើក ក្នុងធនាគារមួយកន្លែងនារដ្ឋផ្លូរីដាសហរដ្ឋអាមេរិក។
៦៖ របាយការណ៍ថ្មីមួយព្យាករថា ប្រទេសចិនអាចនឹងវ៉ាដាច់សហរដ្ឋអាមេរិក ក្លាយជាទីផ្សារលក់រាយធំបំផុតលើលោកនៅក្នុងឆ្នាំ២០១៩។
៧៖ ភាពចលាចលផ្ទុះឡើងកាន់តែខ្លាំងនៅវេណេស៊ុយអេឡា បន្ទាប់ពីអាមេរិកលូកដៃ កាន់តែជ្រៅដើម្បីគាំទ្រក្រុមបក្សប្រឆាំង។
