(ពិភពលោក)៖ នៅថ្ងៃព្រហស្បតិ៍ ទី០៣ ខែមករា ឆ្នាំ២០១៩នេះ ព្រឹត្តិការណ៍អន្តរជាតិសំខាន់ៗ ជាច្រើនបានកើតឡើង រួមមានទាំងព្រឹត្តិការណ៍នយោបាយ និងស្ថានការណ៍ទូទាំងសកលលោកដ៏គួរឲ្យចាប់អារម្មណ៍ជាច្រើន។ ដូច្នេះបើចង់ដឹងថា តើព្រឹត្តិការណ៍រូបភាពប្រចាំថ្ងៃនេះមានអ្វីខ្លះនោះ សូមទស្សនាដូចខាងក្រោម៖
១៖ យានអវកាសចិន «ឆាងអឺទី៤» ធ្វើការចុះចតដោយជោគជ័យនៅផ្ទៃចំហៀងម្ខាងទៀតនៃឋានព្រះច័ន្ទ។
២៖ សាកសពមនុស្សកើនដល់៣៧នាក់ ត្រូវបានរកឃើញក្នុងករណីផ្ទុះហ្គាសរហូតធ្វើឲ្យបាក់រលំអគារនៅប្រទេសរុស្ស៊ី។
៣៖ យានអវកាសអាមេរិក New Horizon បញ្ចេញរូបភាពសន្លឹកដំបូងនៃអាចម៍ផ្កាយរាងចម្លែក Ultima Thule ដែលនៅចុងប្រព័ន្ធព្រះអាទិត្យ។
៤៖ រកឃើញរូបចម្លាក់បុរាណនៅម៉ិចស៊ីកូ ដែលបកស្បែកមនុស្សយកមកស្រោប។
៥៖ ព្រឹត្តិការណ៍ប្រកួតចម្លាក់ផ្ទាំងទឹកកក ប្រព្រឹត្តទៅនៅទីក្រុង Harbin នៃខេត្ត Heilongjiang ប្រទេសចិន។
៦៖ រកឃើញសត្វជីងចក់ងាប់មួយក្បាលពេលហែកកញ្ចប់នំ ខណៈក្រុមហ៊ុនផលិតចំណីសិង្ហបុរី IRVINS ចេញមុខសុំទោសអតិថិជនភ្លាមៗ។
៧៖ ឥណ្ឌូណេស៊ី៖ ការរុករកប្រអប់ខ្មៅទីពីរនៃយន្តហោះ Lion Air ដែលធ្លាក់ស្លាប់មនុស្សជិត២០០នាក់ ត្រូវបញ្ចប់ក្រោយពីរកពុំឃើញសោះ។
