(ម៉ូស្គូ)៖ មនុស្ស ០៣នាក់បានស្លាប់ ក្រោយរថយន្ដមីនីប៊ឺស (Minibus) មួយគ្រឿងដែលពួកគេជិះបានផ្ទុះឆេះនៅឯទីក្រុងម៉ាកនីតូហ្គសក៍ (Magnitogorsk) ប្រទេសរុស្ស៊ីជាទីដែលមនុស្ស ០៩នាក់បាត់បង់ជីវិត និង ៣៦នាក់នៅតែបន្តបាត់ខ្លួននៅឡើយ ក្នុងហេតុការណ៍បាក់រលំអគារកម្ពស់ ១០ជាន់កាលពីថ្ងៃចន្ទដើមសប្តាហ៍នេះ។ នេះបើតាមការដកស្រង់ពីទីភ្នាក់ងារព័ត៌មានចិនស៊ីនហួរ នៅព្រឹកថ្ងៃពុធ ទី០២ ខែមករា ឆ្នាំ២០១៨។
យោងតាមប្រព័ន្ធនៅក្នុងតំបន់ ហេតុការណ៍ឆេះរថយន្ដខាងលើ កាលឡើងកាលពីយប់ថ្ងៃអង្គារ (ម៉ោងនៅក្នុងតំបន់) ដែលស្ថិតនៅមិនឆ្ងាយប៉ុន្មានឡើយពីអគារដែលបាក់រំលំ ដោយសារផ្ទុះហ្គាសខាងលើ។ រថយន្ដនេះមានមនុស្សសរុប ០៣នាក់ជិះនៅលើនោះ ហើយមូលហេតុផ្ទុះឆេះនេះទៀតសោត គឺបង្កឡើងដោយបញ្ហាប្រព័ន្ធហ្គាសនៅលើរថយន្ដតែម្ដង។
គួរបញ្ជាក់ថា ទីក្រុងម៉ាកនីតូហ្គសក៍ (Magnitogorsk) ស្ថិតនៅភាគនិរតីប្រទេសរុស្ស៊ី ដែលមានចម្ងាយជាង ១,៤០០គីឡូម៉ែត្រ ពីភាគខាងកើតទីក្រុងម៉ូស្គូ។ ហេតុការណ៍ផ្ទុះហ្គាស និងរលំអគារនេះ គឺបានទទួលការចាប់អារម្មណ៍យ៉ាងខ្លាំងពីបណ្តាសារព័ត៌មានជាតិ និងអន្តរជាតិ ខណៈលោក ពូទីន ប្រធានាធិបតីរុស្ស៊ី ក៏បានចុះទៅពិនិត្យភាពជាក់ស្តែងនៅហ្នឹងកន្លែងកើតហេតុផងដែរ៕
