(ពិភពលោក)៖ នៅថ្ងៃសៅរ៍ ទី២៩ ខែធ្នូ ឆ្នាំ២០១៨នេះ ព្រឹត្តិការណ៍អន្តរជាតិសំខាន់ៗ ជាច្រើនបានកើតឡើង រួមមាន​​ទាំង​ព្រឹត្តិការ​ណ៍​នយោ​បាយ និងស្ថានការណ៍ទូទាំងសកលលោកដ៏គួរឲ្យចាប់អារម្មណ៍ជាច្រើន។ ដូច្នេះ​បើ​ចង់​ដឹង​ថា តើព្រឹត្តិ​ការណ៍​រូបភាពប្រ​ចាំ​ថ្ងៃនេះ​មាន​អ្វី​ខ្លះ​នោះ ​សូម​ទស្សនា​​​ដូច​​ខាង​ក្រោម៖

១៖ ភ្ញៀវទេសចរវៀតណាម០៣នាក់ និងជនជាតិអេហ្ស៊ីបម្នាក់ស្លាប់ ក្នុងករណីផ្ទុះគ្រាប់បែកបង្កៃត្រូវរថយន្តក្រុង នៅក្បែរ​តំបន់ប្រាសាទពីរ៉ាមីត Giza ក្នុងទីក្រុងគែរ។

២៖ រញ្ជួយដីកម្រិតធ្ងន់៧.២រ៉ិចទ័រ នៅក្រោមផ្ទៃសមុទ្រភាគខាងត្បូងប្រទេសហ្វីលីពីន ប៉ុន្តែពុំបានបង្កគ្រោះថ្នាក់អ្វីឡើយ។

៣៖ ​យន្តហោះ​ផលិត​ដោយ​ចិន C919 ទើបបញ្ចប់ការធ្វើតេស្តដោយ​ជោគជ័យមួយគ្រឿងទៀត ដែល​វាសមត្ថភាព​ប្រហែល​គ្នា​នឹង Airbus A320 និង Being 737។

៤៖ មនុស្ស០៧នាក់បាត់បង់ជីវិត ក្នុងហេតុការណ៍ភ្លើងឆេះផ្ទះនៅទីក្រុងម៉ិចស៊ីកូស៊ីធី នៃប្រទេសម៉ិចស៊ីកូ។

៥៖ ​អតីតអភិបាល​រងខេត្តគួយចូវ​របស់ចិន លោក Pu Bo ត្រូវយកទៅកាត់ទោស​ពីបទទទួល​សំណូក​ជាលុយនិងទ្រព្យ​សម្បត្តិ​យ៉ាងច្រើន​សន្ធឹក​សន្ធាប់។

៦៖ សីតុណ្ហភាពនៅទីក្រុងសេអ៊ូលប្រទេសកូរ៉េខាងត្បូង បន្តចុះដល់​-១៩.៣អង្សាសេ។

៧៖ ស្ពានជានិមិត្តរូប​ដែលឆ្លងកាត់ទន្លេវែងបំផុតរបស់ចិន ត្រូវបានបើកឲ្យធ្វើចរាចរណ៍ឡើងវិញ នៅខេត្តណានជីង ភាគ​ខាងកើតប្រទេសចិន បន្ទាប់ពីស្ថិតក្រោមការកែលម្អ​អស់រយៈពេល២៦ខែ។