ទស្សនាបណ្តុំរូបភាព ស្តែងពីព្រឹត្តិការណ៍អន្តរជាតិប្រចាំថ្ងៃទី០៨ ខែធ្នូ ឆ្នាំ២០១៨! (Photo inside)
08-12-2018 20:44
(ពិភពលោក)៖ នៅថ្ងៃសៅរ៍ ទី០៨ ខែធ្នូ ឆ្នាំ២០១៨នេះ ព្រឹត្តិការណ៍អន្តរជាតិសំខាន់ៗ ជាច្រើនបានកើតឡើង រួមមានទាំងព្រឹត្តិការណ៍នយោបាយ និងស្ថានការណ៍ទូទាំងសកលលោកដ៏គួរឲ្យចាប់អារម្មណ៍ជាច្រើន។ ដូច្នេះបើចង់ដឹងថា តើព្រឹត្តិការណ៍រូបភាពប្រចាំថ្ងៃនេះមានអ្វីខ្លះនោះ សូមទស្សនាដូចខាងក្រោម៖
១៖ ចិនបញ្ជូនយានអវកាសឈ្មោះថា Chang'e ដើម្បីទៅសិក្សាតំបន់អាថ៌កំបាំងនៅចំហៀងម្ខាងទៀតនៃព្រះច័ន្ទ ដែលមិនបែរមករកផែនដីយើង។
២៖ ហេតុការណ៍រត់ជាន់គ្នាក្នុងក្លឹបកម្សាន្តរាត្រីនៅប្រទេសអ៊ីតាលី បណ្តាលឲ្យមនុស្សស្លាប់០៦នាក់ និងរបួស១០០នាក់។
៣៖ បាតុកម្មប្រឆាំងសាំងឡើងថ្លៃនៅប្រទេសបារាំង ឈានដល់សប្តាហ៍ទីបួន។
៤៖ មនុស្សបាត់បង់ជីវិត១១នាក់ និងរបួស១៩នាក់ ក្នុងករណីរថយន្តក្រុងបើកធ្លាក់ជ្រោះនៅតំបន់ Kashmir ប្រទេសឥណ្ឌា។
៥៖ អតីតជំនួយការក្រុមយុទ្ធនាការឃោសនាបោះឆ្នោត របស់ប្រធានាធិបតីអាមេរិកលោក ដូណាល់ ត្រាំ គឺលោក George Papadopoulos ត្រូវបានដោះលែងពីពន្ធនាគារវិញ។
៦៖ អតីតប្រធានាធិបតីកូឡុំប៊ី លោក Betancur ទទួលមរណភាព ក្នុងជន្មាយុ៩៥ឆ្នាំ។
៧៖ យានរុករក InSight របស់ NASA ទើបថតបានសំឡេងខ្យល់បក់លើភពអង្គារ។
