(ពិភពលោក)៖ នៅថ្ងៃពុធ ទី០៥ ខែធ្នូ ឆ្នាំ២០១៨នេះ ព្រឹត្តិការណ៍អន្តរជាតិសំខាន់ៗ ជាច្រើនបានកើតឡើង រួមមានទាំង ព្រឹត្តិការណ៍នយោបាយ និងស្ថានការណ៍ទូទាំងសកលលោកដ៏គួរឲ្យចាប់អារម្មណ៍ជាច្រើន។ ដូច្នេះបើចង់ដឹងថាតើ ព្រឹត្តិការណ៍រូបភាពប្រចាំថ្ងៃនេះមានអ្វីខ្លះនោះសូមទស្សនាដូចខាងក្រោម៖
១៖ សត្វដាយណូស័រអម្បូរថ្មីមួយ ត្រូវបានកំណត់អត្តសញ្ញាណ តាមរយៈរបកគំហើញនៃបំណែកឆ្អឹងថ្គាមមួយដែលត្រូវគេ ប្រទះឃើញនៅក្នុងប្រទេសអូស្រ្តាលី៕
២៖ ចិនទើបតែបានបញ្ចប់ជាស្ថាពរនូវការសាងសង់កប៉ាល់សម្រាប់ដឹកឧស្ម័នធម្មជាតិ LNG នៅតំបន់ទឹកកកអាក់ទិច ដំបូងបំផុតលើពិភពលោក ដែលមានសមត្ថភាពធ្វើប្រតិបត្តិការបាន នៅក្រោមសីតុណ្ហភាពរហូតដល់-៥០អង្សាសេ៕
៣៖ កូរ៉េខាងត្បូងនាថ្ងៃពុធនេះ កំពុងទទួលរងឥទ្ធិពលធាតុអាកាសត្រជាក់ខ្លាំងលើកដំបូងនៃរដូវរងាឆ្នាំនេះដោយ សីតុណ្ហភាពតាមតំបន់ជាច្រើននៅទូទាំងប្រទេសអាស៊ីខាងកើតនេះ បានធ្លាក់ចុះក្រោមសូន្យអង្សាសេ៕
៤៖ អាជ្ញាធរញូខាឡេដូនៀ (New Caledonia) នៅថ្ងៃពុធ បានបញ្ជាឱ្យមានការជម្លៀសប្រជាជននៅតំបន់ឆ្នេរជាច្រើន ទៅកាន់កន្លែងមានសុវត្ថិភាព បន្ទាប់ពីការចេញសេចក្ដីព្រមានពីរលកយក្សស៊ូណាមិ ក្រោយគ្រោះរញ្ជួយដីកម្រិត ៧.៥រ៉ិចទ័រ វាយប្រហារលើតំបន់ឆ្នេរភាគខាងកើត នៃដែនដីបារាំងនៅឯនាយសមុទ្រមួយនេះ៕
៥៖ រដ្ឋាភិបាលទីក្រុងប៉េកាំង តាមរយៈអ្នកនាំពាក្យក្រសួងការបរទេសចិន នាថ្ងៃពុធនេះបានចេញមុខ សម្តែងគោលជំហរប្រឆាំងដាច់ខាតចំពោះគំនិតចង់ប្រែក្លាយសន្ធិសញ្ញាហាមឃាត់អាវុធនុយក្លេអ៊ែរ INF រវាងអាមេរិកនិងរុស្ស៉ី ឲ្យទៅជាសន្ធិសញ្ញាពហុភាគី៕
៦៖ ប្រមុខរដ្ឋអាជ្ញានៃទីក្រុងអ៊ីស្តង់ប៊ុលនាថ្ងៃពុធនេះ បានសម្រេចចេញដីកាចាប់ខ្លួន ជនជាតិអារ៉ាប៊ីសាអូឌីតពីរនាក់ ជុំវិញករណីឃាតកម្មលើអ្នកកាសែត Jamal Khashoggi៕
