(ពិភពលោក)៖ នៅថ្ងៃអង្គារ ទី០៤ ខែធ្នូ ឆ្នាំ២០១៨នេះ ព្រឹត្តិការណ៍អន្តរជាតិសំខាន់ៗ ជាច្រើនបានកើតឡើង រួមមានទាំងព្រឹត្តិការណ៍នយោបាយ និងស្ថានការណ៍ទូទាំងសកលលោកដ៏គួរឲ្យចាប់អារម្មណ៍ជាច្រើន។ ដូច្នេះបើចង់ដឹងថា តើព្រឹត្តិការណ៍រូបភាពប្រចាំថ្ងៃនេះមានអ្វីខ្លះនោះ សូមទស្សនាដូចខាងក្រោម៖
១៖ ក្រុមហ៊ុន SpaceX បំបែកកំណត់ត្រា បាញ់ផ្កាយរណបម្តង៦៤គ្រឿង ឡើងទៅគន្លងតារាវិថី។
២៖ ការតាំងពិព័រណ៌រថយន្តអន្តរជាតិនៃប្រទេសថៃ Thailand International Motor Expo 2018 កំពុងបន្តប្រព្រឹត្តទៅនៅឯទីក្រុងបាងកក។
៣៖ មឈូសសពអតីតប្រធានាធិបតីអាមេរិក George H.W. Bush ត្រូវបានយកទៅតម្កល់ក្នុងវិមាន Capitol អាមេរិកសម្រាប់ការគោរពជាចុងក្រោយ មុនត្រូវបញ្ចុះនៅរដ្ឋតិចសាស់។
៤៖ ហោះហើរអស់០២ឆ្នាំ ទីបំផុតយានមួយរបស់អង្គការ NASA ទៅដល់អាចម៍ផ្កាយមួយឈ្មោះថា Bennu ដែលមានមុខកាត់៥០០ម៉ែត្រ។
៥៖ យន្តហោះអាកាសចរណ៍ចិន China Eastern ចុះចតយ៉ាងទាន់ហន់ ក្រោយជួបបញ្ហាបច្ចេកទេស។
៦៖ ហេតុការណ៍ផ្ទុះហ្គាសក្នុងផ្សារលក់ទំនិញមួយកន្លែងនៅម៉ាឡេស៊ី បណ្តាលឲ្យមនុស្សស្លាប់យ៉ាងតិច០៣នាក់ និងរបួស៣២នាក់។
៧៖ មានព័ត៌មានថាអាមេរិក កំពុងបញ្ជូនក្រុមនាវាផ្ទុកយន្តហោះចម្បាំងទៅកាន់ឈូងសមុត្រពែក ក្រោយអ៊ីរ៉ង់បញ្ចេញនាវាពិឃាតថ្មី៕
