(សិនយ៉ាង)៖ មនុស្សសរុប០៥នាក់បានស្លាប់ និង១៨នាក់រងរបួស បន្ទាប់ពីរថយន្តធុនតូចមួយគ្រឿងបានជ្រុលចង្កូតទៅបុកក្រុមក្មេងសិស្សសាលា ដែលកំពុងដើរឆ្លងថ្នល់ក្រោយចេញពីរៀននៅខេត្ត Liaoning ភាគឦសានប្រទេសចិន។ នេះបើតាមការចេញផ្សាយដោយ ទីភ្នាក់ងារព័ត៌មានចិន ស៊ីនហួរ នាល្ងាចថ្ងៃព្រហស្បិ៍ ទី២២ ខែវិច្ឆិកា ឆ្នាំ២០១៨។
ហេតុការណ៍ខាងលើនេះបានកើតមានឡើង កាលពីវេលាម៉ោង ១២៖៣០នាទីរសៀលថ្ងៃព្រហស្បតិ៍នេះ នៅក្នុងសង្កាត់ Jiangchang នៃទីក្រុងសិនយ៉ាង របស់ខេត្ត Liaoning ដោយជនបង្កជាអ្នកបើកបររថយន្ត ត្រូវបានប៉ូលិសចាប់ខ្លួនភ្លាមៗនៅហ្នឹងកន្លែងកើតហេតុ ដើម្បីធ្វើការស៊ើបអង្កេត។
គួរបញ្ជាក់ថា រហូតមកទល់នឹងពេលនេះមិនទាន់មានការបញ្ជាក់ថា ជនរងគ្រោះដែលស្លាប់ និងរងរបួសទាំង ២៣នាក់នោះ មានកុមារចំនួនប៉ុន្មានអ្នកឡើយ៕
