(ឡាវ)៖ រដ្ឋាភិបាលឡាវ នឹងកាត់បន្ថយបរិមាណកំណត់ (កូតា) នៃអ្នកបម្រើការងាររដ្ឋថ្មីប្រចាំឆ្នាំ ពីចំនួន៣,០០០នាក់ នៅក្នុងឆ្នាំនេះមកនៅត្រឹម១,៥០០នាក់ នៅឆ្នាំ២០១៩ខាងមុខ ដើម្បីកាត់បន្ថយការចំណាយថវិកាជាតិ, នេះបើតាមសម្តីលោកនាយករដ្ឋមន្ត្រី Thongloun Sisoulith បានប្រាប់ទៅកាន់សភា នៅថ្ងៃអង្គារនេះ ហើយត្រូវបានសារព័ត៌មានស៊ិនហួ ចេញផ្សាយឲ្យដឹងយ៉ាងដូច្នេះនាយប់ថ្ងៃទី២០ ខែវិច្ឆិកា ឆ្នាំ២០១៨នេះ។

រដ្ឋាភិបាលឡាវ ក៏បានសម្រេចផ្អាក គម្រោងតំឡើង​សន្ទស្សន៍ប្រាក់ខែមន្ត្រីរាជការ​ផងដែរ ខណៈដែលប្រទេសកំពុងប្រឈមនឹងឧបសគ្គថវិកា។​

សេដ្ឋកិច្ចឡាវ កំពុងបន្តមានស្ថិរភាព និងកើនឡើង ប៉ុន្តែមានកម្រិតយឺតជាងមុន, នេះបើតាមសម្តីអនុនាយករដ្ឋមន្ត្រី និងជារដ្ឋមន្ត្រីហិរញ្ញវត្ថុឡាវ លោក Somdy Douangdy បានប្រាប់ទៅកាន់សភា៕