(ពិភពលោក)៖ នៅថ្ងៃព្រហស្បតិ៍ ទី១៥ ខែវិច្ឆិកា ឆ្នាំ២០១៨នេះ ព្រឹត្តិការណ៍អន្តរជាតិសំខាន់ៗ ជាច្រើនបានកើតឡើង រួមមានទាំង ព្រឹត្តិការណ៍នយោបាយ និងស្ថានការណ៍ទូទាំងសកលលោកដ៏គួរឲ្យចាប់អារម្មណ៍ជាច្រើន។ ដូច្នេះបើចង់ដឹងថា តើព្រឹត្តិការណ៍ រូបភាពប្រចាំថ្ងៃនេះមានអ្វីខ្លះនោះសូមទស្សនាដូចខាងក្រោម៖
១៖ អនុប្រធានាធិបតីអាមេរិក លោក Mike Pence បាននិយាយនៅថ្ងៃព្រហស្បតិ៍នេះថាប្រធានាធិបតី អាមេរិកលោក ដូណាល់ ត្រាំ មានគំរោងជួបមេដឹកនាំកូរ៉េខាងជើង លោក គីម ជុងអ៊ុន ជាលើកទី២ នៅក្នុងឆ្នាំ២០១៩ ខាងមុខនេះ៕
២៖ អ្នកនេសាទចំនួន១៣នាក់ត្រូវបានជួយសង្រ្គោះទាន់ពេលវេលា ក្រោយពីទូកនេសាទកូរ៉េខាងត្បូងរបស់ពួកគេបានលិចចូល សមុទ្រដោយសារតែការប៉ះទង្គិចគ្នាជាមួយទូកនេសាទមួយគ្រឿងទៀតរបស់ជប៉ុន៕
៣៖ ចំនួនសាកសពជនរងគ្រោះដែលត្រូវបានរកឃើញ គឺកើនឡើងដល់ ៥៦នាក់ហើយ ដោយសារតែភ្លើងឆេះព្រៃនៅភាគខាងជើងរដ្ឋកាលីហ្វរញ៉ា៕
៤៖ ជនសកម្មប្រយុទ្ធសរុប២០នាក់បានស្លាប់ និង០៤នាក់ផ្សេងទៀតបានរងរបួស បន្ទាប់ពីកងយន្តហោះចម្បាំងរបស់យោធា អាហ្វហ្គានីស្ថាន បានបើកការវាយប្រហារទម្លាក់គ្រាប់បែកទៅលើទីតាំងលាក់ខ្លួនរបស់ពួកតាលីបង់ នៅខេត្ត Ghazi ភាគខាងកើត ក្នុងរយៈពេល២៤ម៉ោងចុងក្រោយ៕
៥៖ គំរូផលិតយន្ដហោះយោធាដឹកជញ្ជូន ទំនើបចុងក្រោយបំផុតរបស់រុស្ស៊ី Il-276 ត្រូវបានគេរំពឹងថានឹងត្រូវបញ្ចប់ ទាំងស្រុងនៅឆ្នាំ២០១៩៕
៦៖ ក្រុមហ៊ុនផ្កាយរណបអ៊ីស្រាអែល ImageSat International បានអះអាងថា ប្រព័ន្ធខែលការពារអាកាស S-300 ដែលរុស្ស៉ីបានបញ្ជូនទៅស៊ីរីនោះ តាមពិតមិនទាន់អាចធ្វើប្រតិបត្តិការបាននៅឡើយទេ៕
