(ពិភពលោក)៖ នៅថ្ងៃសុក្រ ទី០២ ខែវិច្ឆិកា ឆ្នាំ២០១៨នេះ ព្រឹត្តិការណ៍អន្តរជាតិសំខាន់ៗ ជាច្រើនបានកើតឡើង រួមមានទាំងព្រឹត្តិការណ៍នយោបាយ និងស្ថានការណ៍ទូទាំងសកលលោកដ៏គួរឲ្យចាប់អារម្មណ៍ជាច្រើន។ ដូច្នេះបើចង់ដឹងថា តើព្រឹត្តិការណ៍រូបភាពប្រចាំថ្ងៃនេះមានអ្វីខ្លះនោះ សូមទស្សនាដូចខាងក្រោម៖
១៖ ស្មានហ្វូន FlexPai ដែលមានសមត្ថភាពបត់អេក្រង់និងតួទូរស័ព្ទបានទាំងស្រុងដំបូងគេលើពិភពលោក បង្ហាញខ្លួននៅចិន។
២៖ គ្រោះរញ្ជួយដីកម្រិត៦.២រ៉ិចទ័រ វាយប្រហារប្រទេសឈីលី ប៉ុន្តែពុំបានបង្កគ្រោះថ្នាក់អ្វីឡើយ។
៣៖ យានអវកាស Dawn ត្រូវទីភ្នាក់ងារអវកាស NASA ប្រកាសឲ្យដឹងថា បេសកកម្មវាត្រូវបញ្ចប់ហើយ ដោយសារអស់ឥន្ធនៈ។
៤៖ ជនភៀសខ្លួនស៉ីរីប្រហែល៥៥,០០០នាក់ហើយ បានត្រឡប់ពីលីបង់ទៅកាន់ប្រទេសកំណើតវិញ គិតចាប់តាំងពីខែមិថុនា។
៥៖ រដ្ឋ Tennessee សហរដ្ឋអាមេរិក ប្រើកៅអីឆក់ប្រហារជីវិតទណ្ឌិតជាលើកដំបូង ចាប់តាំងតែពីឆ្នាំ២០០៧។
៦៖ អ្នកជំនាញមុជទឹកដែលបានចូលរួមប្រតិបត្តិការជួយសង្គ្រោះជនជាតិថៃទាំង១៣នាក់ ចេញពីរូងភ្នំថៃកាលពីខែកក្កដាទើបទទួលបានពានរង្វាន់កិត្តិយសពីរដ្ឋ South Australia នៃប្រទេសអូស្ត្រាលី។
៧៖ បេក្ខជនប្រធានាធិបតីលីប៊ី Aref Ali Nayed សន្យានឹងធ្វើឱ្យលីប៊ីក្លាយទៅជាប្រទេសស្វីសទី២ នៅទ្វីបអាហ្រ្វិក។
