(ពិភពលោក)៖ នៅថ្ងៃសុក្រ ទី២៦ ខែតុលា ឆ្នាំ២០១៨នេះ ព្រឹត្តិការណ៍អន្តរជាតិសំខាន់ៗ ជាច្រើនបានកើតឡើង រួមមានទាំងព្រឹត្តិការណ៍នយោបាយ និងស្ថានការណ៍ទូទាំងសកលលោកដ៏គួរឲ្យចាប់អារម្មណ៍ជាច្រើន។ ដូច្នេះបើចង់ដឹងថា តើព្រឹត្តិការណ៍រូបភាពប្រចាំថ្ងៃនេះមានអ្វីខ្លះនោះ សូមទស្សនាដូចខាងក្រោម៖
១៖ ចំពោះមុខការប្រជែងសាច់ដុំ រុស្ស៊ីត្រៀមបំពាក់ប្រព័ន្ធមីស៊ីល Tor-M2DT ដល់កងកម្លាំងភាគខាងជើងជាប់សមុទ្រទឹកកកអាកទិច។
២៖ ការឆ្លងវីរុសកំណាច Zika នៅរដ្ឋ Rajasthan ភាគខាងលិចឥណ្ឌាកើនឡើងដល់១៤០ករណី។
៣៖ ចិនអះអាងថា ចង់លើកស្ទួយទំនាក់ទំនងជាមួយជប៉ុន និងរួមគ្នាដោះស្រាយបញ្ហាកូរ៉េខាងជើង ក្នុងជំនួបរវាងលោក លឺ ខឺជាំង និងលោក ស៉ីនហ្សូ អាបេ។
៤៖ ខេត្តអូគីណាវ៉ាអនុម័តសេចក្តីព្រាងច្បាប់ ដើម្បីរៀបចំធ្វើប្រជាមតិលើគម្រោងរបស់រដ្ឋាភិបាលជប៉ុន ជុំវិញការផ្លាស់ប្តូរទីតាំងមូលដ្ឋានយោធាអាមេរិក ដែលស្ថិតនៅលើកោះនោះ។
៥៖ កូរ៉េខាងត្បូងនិងកូរ៉េខាងជើង ឯកភាពគ្នាដកប៉ុស្តិ៍យាមកាមចំនួន១១កន្លែង នៅតាមបណ្តោយព្រំដែនប្រទេសទាំងពីរ នៅចុងខែវិច្ឆិកា។
៦៖ ស្រ្តីម្នាក់យកកាំបិតចាក់ក្មេងឲ្យរបួស១៤នាក់ នៅឯសាលាមត្តេយ្យមួយកន្លែង ក្នុងខេត្តស៉ីឈាន់ ភាគនិរតីប្រទេសចិន។
៧៖ អ្នកវិទ្យាសាស្ត្រអង្គការ NASA ផ្តិតបានរូបភាពផ្ទាំងទឹកកកចម្លែក នៅប៉ូលខាងត្បូងភពផែនដី។
