(ម៉ូស្គូ)៖ យោធារុស្ស៉ីបានឲ្យដឹងថា យន្តហោះបរទេស​ដល់ទៅ ១៩គ្រឿង ត្រូវបានប្រទះឃើញ​ធ្វើសកម្មភាព​ឆ្លបយកការណ៍សម្ងាត់​ នៅក្បែរ​ព្រំដែនប្រទេសរុស្ស៉ី កាលពី​សប្តាហ៍មុន។ នេះបើតាម​ការដកស្រង់ការផ្សាយ​ចេញពីសារព័ត៌មានរុស្ស៉ី Sputnik នៅព្រឹក​ថ្ងៃសុក្រ ទី១៩ ខែតុលា ឆ្នាំ២០១៨។

ជាការឆ្លើយតប រុស្ស៉ីបានបញ្ជូនយន្តហោះ​ចម្បាំងរបស់ខ្លួនដល់ទៅ ០៨លើក ដើម្បីរារាំងកុំ​ឲ្យយន្តហោះបរទេស​ទាំងនោះ ឆ្លងចូល​មកក្នុង​ព្រំដែនរុស្ស៉ី។

គួរជម្រាបថា កាលពី​០២សប្តាហ៍មុន យន្តហោះបរទេស​ដល់ទៅ ២១គ្រឿង ត្រូវរុស្ស៉ីអះអាងថា បានធ្វើសកម្មភាព​ស៉ើបការណ៍ នៅ​ក្បែរព្រំដែន​នៃប្រទេសរុស្ស៉ី​ផងដែរ៕