(ម៉ារុក)៖ រថភ្លើងមួយខ្សែនៅភាគខាងជើងប្រទេសម៉ារុក បានក្រឡាច់ធ្លាក់ចេញពីផ្លូវ ដោយបានផ្តាច់ជីវិតមនុស្ស០៧នាក់ និងបង្កឲ្យរបួស១២៥នាក់។ នេះបើតាមការដកស្រង់ការផ្សាយចេញពីទីភ្នាក់ងារព័ត៌មានចិន ស៉ីនហួរ នៅព្រឹកថ្ងៃពុធ ទី១៧ ខែតុលា ឆ្នាំ២០១៨។
ខ្សែរថភ្លើងខាងលើ ដែលមានគោលដៅធ្វើដំណើរទៅនិងមករវាងទីក្រុងកាសាប្លាន់កា (Casablanca) និងទីក្រុងថេងជា (Tangier) នៅភាគខាងជើងម៉ារុក បានក្រឡាប់ធ្លាក់ចេញពីផ្លូវ នាវេលាម៉ោង១០៖១០នាទីព្រឹកថ្ងៃអង្គារសប្តាហ៍នេះ (ពេលវេលាក្នុងតំបន់) នៅក្រុងស៉ីឌីប៊ូកណាឌែល ដែលជាក្រុងតូចមួយស្ថិតនៅចន្លោះក្រុងសាលេ (Sale) និងគេនីត្រា (Kenitra)។
គួរជម្រាបថា ទន្ទឹមនេះ មូលហេតុនៅពីក្រោយហេតុការណ៍នេះ នៅមិនទាន់កំណត់បាននៅឡើយទេ ខណៈការស៉ើបអង្កេតក៏កំពុងប្រព្រឹត្តទៅដោយអាជ្ញាធរម៉ារុក៕
