(ពិភពលោក)៖ នៅថ្ងៃចន្ទ ទី១៥ ខែតុលា ឆ្នាំ២០១៨នេះ ព្រឹត្តិការណ៍អន្តរជាតិសំខាន់ៗ ជាច្រើនបានកើតឡើង រួមមានទាំងព្រឹត្តិការណ៍នយោបាយ និងស្ថានការណ៍ទូទាំងសកលលោកដ៏គួរឲ្យចាប់អារម្មណ៍ជាច្រើន។ ដូច្នេះបើចង់ ដឹងថាតើព្រឹត្តិការណ៍រូបភាពប្រចាំថ្ងៃនេះមានអ្វីខ្លះនោះសូមទស្សនាដូចខាងក្រោម៖
១៖ ទីបំផុតកូរ៉េខាងត្បូង និងកូរ៉េខាងជើងបានព្រមព្រៀងនឹងធ្វើការតភ្ជាប់បណ្តាញផ្លូវថ្នល់ក៏ដូចជាផ្លូវដែកឡើងវិញ ហើយនេះគឺជាការបោះជំហានទៅមុខថ្មីមួយទៀតនេះ នៅក្នុងភាពប្រសើរឡើង នៃទំនាក់ទំនងរវាងបងប្អូនទាំងពីរ៕
២៖ មានការបញ្ចេញមតិព្រោងព្រាតនៅលើគណនី Facebook របស់លោក ប្រាយុទ្ធ ចាន់អូចា បន្ទាប់ពីនាយករដ្ឋមន្រ្តីថៃរូបនេះ បានចាប់ផ្តើមផ្តោតការយកចិត្តទុកដាក់ទៅលើបណ្តាញទំនាក់ទំនងសង្គមដោយក្នុងនោះក៏មានទាំងការបង្កើត គណនីលើបណ្តាញ Twitter, Instagram, និងវែបសាយផងដែរ៕
៣៖ ឯកសារសម្ងាត់មួយបានបង្ហើបឲ្យដឹងថា កងអង្គរក្សរបស់ប្រធានាធិបតីអាមេរិក បានវែករកឃើញផែនការខ្មៅងងឹតមួយ ក្នុងការប៉ុនប៉ងធ្វើឃាតលោក ដូណាល់ ត្រាំ កាលពីអំឡុងដំណើរទស្សនកិច្ចនៅឯប្រទេសហ្វីលីពីន កាលពីឆ្នាំ២០១៧។ នេះបើតាមវីដេអូឯកសាររបស់ National Geographic៕
៤៖ ការរកឃើញភស្តុតាងនៃវត្តមានព្រះច័ន្ទធំមួយ នៅក្រៅប្រព័ន្ធព្រះអាទិត្យ កំពុងផ្តល់ក្តីសង្ឃឹមកាន់តែច្រើនដល់អ្នកវិទ្យាសាស្រ្ត ដើម្បីឈានទៅដល់ការរកឃើញព្រះច័ន្ទអាចទ្រទ្រង់ជីវិត ដូចក្នុងក្តីស្រមៃកន្លងមក៕
៥៖ ប្រធានាធិបតីអាមេរិក លោក ដូណាល់ ត្រាំ និងប្រធានាធិបតីចិន លោក ស៊ី ជិនពីង អាចនឹងជួបគ្នានៅអំឡុងពេល ចូលរួមកិច្ចប្រជុំកំពូល G20 នៅខែក្រោយនេះ ខណៈមហាយក្សសេដ្ឋកិច្ចទាំងពីរ កំពុងមានទំនាក់ទំនងមិនល្អនឹងគ្នា ដោយសារតែសង្រ្គាមពាណិជ្ជកម្ម៕
៦៖ យន្តហោះខ្នាតតូចមួយគ្រឿងបានបុកមនុស្ស០៣នាក់ និងរបួស០៥នាក់ទៀតស្របពេលកំពុងព្យាយាមចុះចតនៅលើភ្នំវ៉ាសឺកាប៉េ (Wasserkuppe) ដែលស្ថិតនៅរដ្ឋហេស (Hesse) ភាគកណ្តាលប្រទេសអាល្លឺម៉ង់៕
